Popular Bible Verses from Galata 5

Share

Kiba u-Mubepo gwiveleka nuvwênde nuku-hĕkela nulutengamano nuvwisamutima nuvuńa-mutima-mufupi nuvuńa-mutima-mwêlu nulufuvo nuvulêngamu nukwivopa. Neke avene, avali na idzi, avo imilagililwe gi-sikuvagoma.

Lwe ndilonga unene nditigila: mugendelage mumubepo, apo musilavu-lima uvudobofu vwa ńama ja mwvili.

Ngana twiponela mu mubepo, apo nukwisogodza twisogodzage numn-bepo.

Avakina-Jesu Kilisiti vajitovelye pakipindulihidzo ińama ja muvili janavo, vahandzidze kumwinga nukukunukwa nuvudobofu.

Neke gali pavudondya hela amalimo ga ńama ja muvili, ndivalila uvugoni nuvulamafu nuvukemi nukutekela kumihoka nuvuhavi nuvukava nainabatu nuvwifu niligoga nindzolìngo nukwidzilamwa nukulekana mwe ndekano nuvuvuladzi nukugala nuvulyamuno nidzingi idziliṅine nda idzi, dahilage dze ndalongile, kangi ndivwila ndilongela ṅani nditigila: avakudzilima idzi, vasilahāla ilipwela lya vutwa vwa Nguluvi.

Ndivwene uńeńe, ńe vanisw’ańe, mukongolilwe lu lwa kuta muvedzage muli vakombodzwa; mwigelage lulo lwene ulwa kuta: ińama ja muvili jitane ukwikoleka muvukombodzwa uvu, nda hamu mugendelage vu vwênde pakwilimila mwivonda.

Ndivwene ińama ja muvili jidoboka pakutenga kumubepo neke umubepo gwidoboka pakutenga kuńama ja muvili, ndivwene ifivili ifi fili vukava, pakuta uńeńe mutane ukululima, lwe tnwa mwikĕla uńeńe.

Ndivwene imilagililwe gyonda, ndeve givelye, gyapukye palidzwi limwinga ilitigila: „umwendage umujago, ndeve vwijendile juve.“

Tutane ukulungamila kuluginyo ulwa vudesi neke twihovandzage neke twifipilage.

Apo lino mwijumikage neke mutane ukuleka vavakungage kangi mumudze-gandzego gwa vulimano.