Popular Bible Verses from 1 Timote 1

Share

Lili vwidevulilo nukulidika livagye ukulidika ilidzwi ilitigila: Kilisiti Jesu adzile kwen’eńi kuno mukuvapoka avahosi, ve ndidzukile kilo-ngosi vanavo june.

Neke pe amyanilaga unene Jesu Kilisiti, amyanilaga ukuta adońelage apangu unene nde mulongodzi uvwisamutima vonda, pakuta ndivedzage kilolelo kuvonda, avalasaka vamufuvwe ulufuvo ulusava-vûmi vwa mbêpali.

Neke ulwene uluvulanidzo lwapukye muvwênde uvumelile munumbula indzelu namulwikagulo ulunofu namulufuvo ulu-gaja-vukedusi.

Neke umwene umutwa va mihagulile gya myâka, umugaja-kuvola, umugaja-kuvonwa, ju Nguluvi, j’ali jumwinga, je alumbwage, je avedzage muńa-ndolo namumihagulile gya myâka, mwe gifudiṅanye. Amene.

juve, je uludzelye ulwa kuta umugolofu asilagililwa milagililwe hamu, vilagililwa avadzila-milagililwe navibeda navadzila-kumogopa Nguluvi navahosi navadzila-vwîmike ponu niminu imivîfu navavulaga-vada-davo navavulaga-vaṅina-vo navavulaga-vanu, navagoni navańa-ku-gona navagosi vajavo navagula-vanu navadesi navajiga-dzavudesi, fye fivedzaga nifingi, ifisege-mine nuluvulanidzo ulu-swâmu