Popular Bible Verses from VAROMA 8

Share

Na uswi twemanyije iti he vintu vyose Mrungu eronga vyedi hamwe na vala yemkunda, ni vala ekundie kuvaitanga too aho.

Ambu nakenja kumanya cha idi iti, neri kifwa, neri nkalamo, neri vamalaika, neri venye kifumwa, neri vila vyeho, neri vila vyeneza, neri venye nzinya, neri vyeho uko wanga, neri vyeho uko si, neri vingi vyovyose vyerumbiwe teviidima kunitanya na lukundo lwa Mrungu lweho he Kristo Yesu Mfumwa wetu.

Nirehuvo Mpeho naye etughenja he vusoka vwetu, ambu tetumanyije kuomba sa vuntu chetutara; mira Mpeho mwenye etuombia kwa kululuma kwesiveteta.

Iki tuti ze he ivyo? Kakicha Mrungu eimuke na uswi, ni ani enetuidima?

Ikira, tehena mlaho he vala veho he Kristo Yesu.

Ambu madunganyo a mwiri ni kifwa; mira madunganyo a mpeho ni nkalamo na mporere.

Mira he ivi vintu vyose, tuvota, na kwetu ni vuntu vwa ula etukundie.

Ambu mavwasi a igheri ili niatara iti si kintu sa ila ngazo twenefunukurirwa.

Ni ani enetutanya na lukundo lwakwe Kristo? H’ii! ni vwasi, kana ni vusovu, kana kuririeshwa, kana nza, kana sakaja, kana mpwasi, kana mhandwi?

Na ula esaka ngoro emanyije madunganyo a Mpeho vuntu eikee, kila evasembia vezerire vuntu Mrungu ekunda.

Ambu vose vetonjwa ni Mpeho wa Mrungu, avo nivo vana va Mrungu

Ambu vala veratera mwiri vedunganya vya kimwiri; mira vala veratera Mpeho vedunganya vya kimpeho.

Ye esimshighie Mwana wakwe mwenye, mira emwinkije he vuntu vwetu vose, eneshigha ze kutuinka vintu vyose hamwe nayye?

Mpeho mwenye eteta vuonwa hamwe na mpeho wetu kuti, uswi tu vana va Mrungu; kakicha ra tu vana, tu vapali, verapala ha Mrungu, vepala hamwe ne Kristo; twekirishwa vwasi hamwe naye, ni iti tunakazwe hamwe naye.

Ambu madunganyo a mwiri ni vunzo he Mrungu, ambu teesikia viziomo vya Mrungu, neri teeidima kusikia.

Ambu virumbe vyose navyo viteisha kianda na nkwina iti vana va Mrungu vafunukurwe.

Ambu twemanyije iti virumbe vyose navyo viluluma hamwe, navyo vitarajwa hamwe mhaka iki.