Popular Bible Verses from VAFILIPI 4

Share

Musikubinushe he mburi yoyose, mira mburi jenyu jose jimanyike he Mrungu kwa kutasa na kuomba, hamwe na kuanjela.

Na mporere ya Mrungu yevecha macha ose inemurinda ngoro jenyu na madunganyo enyu he Kristo Yesu.

Cheshele, vandughu, vyose e vya idi, vyose e vya shima, vyose e vya kitea, vyose e vyedi, vyose vyeizihija, vyose e vya nguma yedi; na hena vwedi vwose, hena nguma yedi yoyose, vidunganyeni ivyo.

Niidima vintu vyose he ula enigera nzinya.

Izihirwani he Mfumwa misi yose; kangi nimuti: Izihirwani.

Na Mrungu wangu enemuneshija kila mwekienda he kiringanyo cha vuzuri vwakwe, he ngazo yeho he Kristo Yesu.

Vyose mwekuchejije hemi na kuvighuhia, na kuvisikia na kuvivonia hemi, viketeni ivyo; na Mrungu wa mporere eneikaa hamwe na unywi.

Vuhoo vwenyu vumanyike he vantu vose Mfumwa eho hafuhi.

Nemanyije kuduishwa, kangi nemanyije kulozokiwa; he vyovyose na he vintu vyose, nechejijwe kuighuta na kusikia nza, kuketa vijinki na kuduikiwa.

Siteta huvo iti henacho neenda; ambu nekuchejije kutisha he miikarire yo yose nena nayo.