Popular Bible Verses from 2 VAKORINTO 5

Share

Huvo, chaoka iti mntu ekiikaa he Kristo, aoka kirumbe kishaa; vya kae vyavecha; rereha vyaoka vishaa.

Ula esimanyije ibanu, akaghoshwa ibanu vuntu vwetu; nesa uswi tuoke kitea cha Mrungu hena Ye.

-Ambu tutonga kwa mwitikijo, si kwa kuvona.

Mira vyose pere vifuma he Mrungu, etukundanye uswi naye mwenye he Kristo, naye etuinkie ndima ya mkundanyo; nicho kuti: Mrungu ekiho he Kristo, aho ekikundanya si ii naye mwenye; asivataririe mateshanyo avo; naye egerire ndeni he uswi kiteto cha mkundanyo.

Ana tu vamondo vuntu vwakwe Kristo, sa kuti, Mrungu esembereja kwa myomo yetu; tumusemba unywi vuntu vwakwe Kristo, mukundanywe na Mrungu.

kangi efwie vuntu vwa vose, nesa vala veho vasiikae na moo kangi vuntu vwavo venye; esire vuntu vwakwe Ye efwie na kuvuka he vefwie vuntu vwavo. Kuvokia iki chaoka iti, uswi tetumanyije mntu esire mmwe he kimwiri. Nziaho uswi twemtwarije Kristo he mwiri, mira iki tetutwarije wa huvo.

Ambu lukundo lwakwe Kristo lutukashasha; ambu twechwie huvu, iti mmwe efwie vuntu vwa vose, heicho vose vefwie