Popular Bible Verses from 1 VAKORINTO 15

Share

Heicho vandughu vangu vakunde, dindani, musiyungeyunge, muzikeronga ndima ya Mfumwa misi yose, ambu mwemanyije iti mabinuko enyu he Mfumwa si a sutwa.

Mira Mrungu naanjelwe, etwinkie kuzima vuntu vwa Mfumwa wetu Yesu Kristo.

Musiishwe, migayo mivivi ikonda miikarire yedi.

Mira he mbonea ya Mrungu nikaoka huvu vuntu neikee; na mbonea yakwe yehoo hemi teiokie sutwa, mira nezikie haiwa kuronga ndima kuvavecha vose. Neri simi, mira ni mbonea ya Mrungu yeho he mi.

We kifwa, kuzima kwako kuohi? We kifwa, lusina lwako luohi? Lusina lwa kifwa ni mabanu, na nzinya ya mabanu ni myomongwa.

Rereha, nimuvwira cha mpiso; tetukashinjie vose, mira vose tunegharushwa he dakika mmwe, kupesha na kurereha, igheri la lugunda lwa mkengerejo; ambu lughunda luneia, na vefwie venevushwa vasiikae wa he kuvoa, na uswi tunegharushwa.

Ambu sa vuntu kifwa cheetiwe ni mntu, huvo hata kuvuka kwa vefwie kweetiwe ni mntu. Ambu sa vuntu vose vefwa vuntu vwakwe Adamu, nire huvo, he Kristo vose veketa moo.

Ambu nire sari uu wevoa udoke kusavoa, na uu wefwa udoke kusafwa.

Ambu nire sari ye etetie mhaka avike vanzo vakwe vose kijusi he mavato akwe. Mnzo wakenjija enevushwa ni kifwa.