Popular Bible Verses from Wɔrɔmi ye 14

Share

Níì cán Kolocɔlɔɔ fǎngi o nyɛ lìile ní gbaala kéele í, fwɔɔ sínni, ní fûnnyingi, ní fundaanri, dee wolo taagi lè Pìicǎnni báriga ni. Wee wi ga ni báara lè Kirisi ma kánmi bee na, woro kéeli n Kolocɔlɔɔ dɛ́nɛ, á wi mɛ́ɛtanʔa taa syɛ́ɛnbèle ma.

Wolo ga pye sìi na, Kàfɔw kéele na wolo nyɛ sìi na. Wolo si ga wɔ́ɔ̀ kùu, Kàfɔw kéele na wolo kùu. Kánmi bee na wolo ga pye sìi na yoo, a wolo náà kùu yoo, wolo i nyɛ Kàfɔw wòolo.

Koro na kérigèle ke a gbǎn bɛ̀ɛ́li yaʔa li kòro wolo níngi ni lè, si wɔ́ɔ wolo yaʔa waa woyɛɛ dɛ̀ɛmɛ́ kàa sáā fàrá wolo tágali na lè, waa gele bee caa.

Gee bee na ki ga yɛlɛ wolo í ní ra kolomɔ kaangi wolo senyɛnwaa ma í, fwɔɔ waa kɔ̀rɔsíi koro ga pye wolo a kɔ́ pye sábabu wolo senyɛnwaa na wi too í, wàlá wi pùuni í.

Níì cán ki n sɛ́bɛ níì jo: «Kàfɔw n jo: ‹Amɛɛ gi nyɛ lè kányɛʔɛ mii i nyɛ sìi na, ànbée gi wɔ́ɔ̄ nyɛ kányɛʔɛ syɛ́ɛnbèle myɛ a ba kpùmɔnɔ mii taana. Pe myɛ a ra Kolocɔlɔɔ kpɔ̀ʔɔrɔ́ ní be nyɔ́ɔyi ní.› » Kánmi bee na wo myɛ nibin nibin a ba woyɛɛ kapyegèle joo tɛ̀ɛn Kolocɔlɔɔ na.

Syɔ́ɔnwee tágala li cɛ́rɛ lè yele níngi ni, ye wi sámaga ye cò cama, yele a kɔ́ ra wi kábala wi sɔ̀nguri kèlē na í.

Mɔ si wi nyɛ wìí, mɔ wee wi kolomɔ kaangi wàa nikwɔɔ falipyeo ma lè? A wi yére yoo, a wi too yoo, wi tiimaa kàfɔw má gi nyɛ. Wi si a sámaga yére, níì cán fànʔa i nyɛ Kàfɔw ma bi wi cò wi yére.