Popular Bible Verses from Matye 19

Share

A Zyezu i be wéle ní kɔ́ɔ̀ be pye: «Gee bee a gbǎn kpéʔele syɔɔn báriga ni í, kàjáa Kolocɔlɔɔ fánʔa i nyɛ kérigèle myɛ na.»

Koro na pe ní o nyɛ siin í, fwɔɔ cere nibin. Gee si Kolocɔlɔɔ kpéʔele a gi bɛ̀ɛ lè, ki ga yɛlɛ syɔɔn í gi láʔa kiyɛɛ na í.»

A wi be yari: «Yele ga kɔ́ɔ̀ gi nyaa sɛ́bɛw ni ì, àmɛɛ pe Faanfɔw be faan lè ki sélimi na nàɔn ní cɔlɔɔ ì?» Ní wɔ́ɔ̀ jo: « ‹Koro na nàɔn n yɛlɛ wi wi tóow ní wi nɔ́ɔw yaʔa si tan wi céw na. Pe siinw a pye cere nibin.›

A Zyezu be pye: «Ye pìíbèle yaʔa paa maa mii ma, ki ga yɛlɛ ye be lúrugo í. Níì cán nyɛ̀ʔɛni fànʔa i nyɛ pèle wóʔo, bele be nyɛ àmɛɛ pìíbèle naa nyɛ lè.»

Kàjáa yɛʔɛ̀ ma syɛ́ɛnbèle pèle saʔa a ba pye kàdoʔo ma, kàdoʔo ma wóbèle pèle saʔa si ba pye yɛʔɛ̀ ma.

Syɔ́ɔnwee faala si ga wi kpáayi, ní wi senyɛnnǎnbèle, ní wi senyɛnjebèle, ní wi tóow, ní wi nɔ́ɔw, ní wi pìíbèle, ní wi séyi yaʔa lè mii mɛ́ɛgi kéele na, wee bee a di feleye saʔa taa bi fàra sìibangwɔɔw na.

A Zyezu wi pye: «Mɔ ga ni caa bi pye syɛɛnsindeleo, maa syée mi sa mɔ kɔ́lɔ yáriri myɛ pára mi kaan foomɔfɔbèle ma, máā maa mi ba taʔa mii na, lɔrɔ saʔa a pye mɔ ma nyɛ̀ʔɛni na.»

A wi wi yari: «Nyàʔá na mɔ mii yíbe kacànna kéele na? Wàa nibin wi nyɛ wojanw. Kàjáa mɔ ga ni caa bi jée sìíw ni, ki n yɛlɛ mɔ í tundunri cò.»

Mii a ní gi joo yele ma si yele pye, fàlibaʔa jéevorolo n wɛ́ʔɛri sàriweele ni lɔrɔfɔlɔ jéeganmi na Kolocɔlɔɔ fǎngi ni.»

Mii si a gi joo yele ma si jo, wàa ga wi cɔɔ̀ yaʔa, kapye kanɔnʔɔrɔ kéele na ban í, ní sáà wàa nikwɔɔ pɔri, wee bee n ceyuugo kpéʔele.»

A Zyezu gi joo wi pìitamabèle ma níì jo: «Mii a gi joo yele ma kányɛʔɛ ni lɔrɔfɔlɔ jéeganmi n tɔ̀nɔ n gbàn nyɛ̀ʔɛni fànʔa ni.