Popular Bible Verses from Zyan 15

Mii wi nyɛ tírigi, yele si i nyɛ kágangèle. Wee wi ga kòro mii ni lè, á mii wɔ́ɔ̀ kòro wi ni, wee bee a ra yasanra saʔa sangi, níì cán yele a gbǎn yarigaa faala kpéʔele mii kàdoʔo ma í.

Ki n yɛlɛ ye kòro mii ni, mii si wɔ́ɔ kòro yele ni. Amɛɛ káganni nyɛ lè li a gbǎn san liyɛɛ ma í, kapye li o nyɛ tírigi na í, ànbée si gi wɔ́ɔ̄ nyɛ, yele a gbǎn san yeyɛɛ ma í, kapye yele ga kòro mii ni í.

Yele ga kòro mii ni á mii syɛ́ɛnri wɔ́ɔ̀ kòro yele ni, yárigee faala ga yele dɛ́nɛ lè, ye gi nyɛ́ɛri, yele a gi taa.

Yele ban ye mii nyɛ́nɛ n wòlo í, kàjáa mii tiimaa wi yele nyɛ́nɛ n wòlo, níì yele télege, jàngó yele í da syée bi sa ra sangi, yele yasanri si kòro beè, koro ga pye yele ga yárigee faala nyɛ́ɛri Tofɔw ma mii mɛ́ɛgi na lè, wi a gi kaan yele ma.

Tàmaga o nyɛ syɔɔn ma bi kpɔ́ʔɔ sɔ̀lɔ gee naa na í, koro gi nyɛ syɔɔn í wiyɛɛ gaan be kpóo wi tàannyɛnbèle nyùnzyɔɔrɔ kéele na.

Káganlee faala li nyɛ mii na lè li si o sangi í, wi a lee bee ceri núngo yaà. Lee si li sangi lè, wi a ra lee bee nyáma, koro ga pye li a ra sangi da sɔ̀lɔ́ sanzelili na.

Amɛɛ mii tàmaga le ní yele ní lè, ki n yɛlɛ ye wɔ́ɔ ye gi le ní yeyɛɛ ní, dee bee di nyɛ mii tundunri.

Yele ga ni yasanra saʔa sangi, gee bee a nìjangbɔɔri taʔa mii Tóow na, yele si a pye mii pìitamabéle.

«Mii wi nyɛ ɛrɛzɛn tírigi wodelege, mii Tóow si i nyɛ gi sámagafɔw.

Syɔ́ɔnwee faala ga pye lè wi ga kòro mii ni í, pe a wee bee yirige wáa kàfugi na, àmɛɛ be kágannaa-sìnzanna wáa lè kàfugi na li i waari. Kágangèle ge waʔa lè, pe i ge kpóʔoro ni wáa náagi ni ke i sóori.

A mii kérigèle naa joo yele ma wii, koro ga pye mii fundaanri í pye yele ni, yele fundaanri si wɔ́ɔ foro.

Yele ga ni mii tundunri kɔngi ní i di kpéʔele, yele a kòro mii tàmagi ni, àmɛɛ mii mii Tóow wóro kɔngi ní i di kpéʔele lè níì kòro wi tàmagi ni.

Tundunri mii a kaan yele ma lè toro di nyɛ, ki n yɛlɛ ye tàmaga le ní yeyɛɛ ní.

Yele ga maa pye dulunyanw wòolo, yele kéeli mǎà dée dulunyanw syɛ̀ɛnnɛ dɛ́nɛ àmɛɛ yele nyɛ lè dulunyanw wòolo. Kàjáa yele ní o nyɛ dulunyanw wòolo í, níì cán mii n yele nyɛ́nɛ n wòlo n yirige dulunyanw ni. Gee bee na yele kéeli dulunyanw syɛ̀ɛnnɛ bɛɛn.