Wi wɔ́ɔ yele yaʔa yele í da nyaagi yele fúnyi ni, koro ga pye sɔ̀ngumi tɛɛtaʔaga kéele na wi yele yeri lè, yele í gee bee cán bi fàra wi kɔ́rigi nìjangbɔɔrɔ lɔnɛʔɛrɛ na, gi nyɛ lè wi syɛɛncanbèle, yele si wɔ́ɔ gi cán àmɛɛ wi fǎngi tɔ̀nɔ n nɛʔɛ n sɔ̀lɔ lè ki dǎnw myɛ na, gee gi nyɛ wi ma lè wolo dɛ̀ɛmɛni kéele na, wolo bele wo tága lè. Séekpɔɔw bee ní wi da báara Kirisi ni, lǎli ni wi da wi nyán n yirige lè kúbèle nínge ni n télege wiyɛɛ kàliige ma nyɛ̀ʔɛni tɛ́ɛyɛ ni lè. Wi i nyɛ fǎnyi, ní séew, ní bárigaw, ní kùndigiri myɛ nyúngo na n fàra mɛ́ɛyi myɛ na be yiri lè dulunyanw naa ni, ní wee ní wi maa lè.
