Popular Bible Verses from 1 Timɔte 6

Share

Da tágali kapɛɛnjànna kpúmɔn, mí sìibangwɔɔw cò wi lè mɔ kayeli nyúngo, woro wee kéele na mɔ séeracǎnw joo lè séerafɔbèle saʔa nyɛ́nɛ na.

Níì cán wáliw tàmaga gi nyɛ kapeegèle myɛ nìnre, á pèle si kòro wi caali na, níì pùuni n léeli tágali na, níì kayaaya saʔa tɛ́ʔɛ n peyɛɛ fúnyi kálagi.

Kányɛʔɛ ni Kolocɔlɔɔ yɛ́ɛgi fyáara si di nyɛ tɔ̀nɔkpɔɔw kólogo, ní syɔɔn ga ni gi córo n jo gee woro taa n kwɔ́ɔ lè, gee bee n yɛlɛ ní woro ní.

Níì cán lǎli ni wo pan dulunyanw ni lè, wo ga pan ní yarigaa ní í, wo ga wɔ́ɔ baa lúru ni syée, wolo a gbǎn kári ní yafyɛn ní í.

Ki joo mi gbàn dulunyanw naa lɔrɔfɔɔlɔ ma mí be pye, pe a kɔ́ ra peyɛɛ gbɔ́ʔɔgi í, mí wɔ́ɔ gi joo be ma pe a kɔ́ be sɔ̀ngumi taʔa lɔ́ri na í, níì cán ti i nyɛ yakwɔʔɔ, fwɔɔ pe be sɔ̀ngumi taʔa Kolocɔlɔɔ na, woro wee wi yáriri myɛ kaangi wolo ma lè wonɛʔɛrɛ ní, koro ga pye wolo í da fundaanra kpéʔele.

Kàjáa bele be caa lè bi pye lɔrɔfɔɔlɔ, bele bee i có lɛ́ɛlɛ-mí-cǒli karinyanya na, sícilimɛ fun ki laànitaagi ní péemi ki laànitaʔa kérigèle saʔa láa i be taagi, gele ge syɛ́ɛnbèle nii lè kálagili ní naakpɔɔgi ni.

Ki n yɛlɛ paa kacàngēle kpéʔele, pe a náa pye lɔrɔfɔɔlɔ kapyejǎngèle báriga ni, ki n yɛlɛ paa syɛ́ɛnbèle kaangi ŋàʔanaga fun, ní funjànya ní, koro ga pye pe a lɔnɛʔɛrɛ kɔn peyɛɛ ma nyɛ̀ʔɛna yɛ́ʔɛ na, dee bee a pye be ma kàpɔɔncàɔn, koro ga pye sìíwee wi nyɛ lè wodelew, pé wee bee sámaga be cò.