Popular Bible Verses from Jeremías 5

Share

Nada', Xanle, llnia: ¿Bixha re' bi llebre nadan cha'? ¿Bi xhisre keten ze re' kwitan? Nada' bnita yuxh ka' nench'na llzayen nista'on, bzoa to da llzay nista'on nench'na bi teteren. Lakse cha llasen llebraz na llunen llakia, axha bi gak teteren.

Xanllon nee: Lechaj yoyte nez ke Jerusalén'na, lewiayian, na le wayirj lawya ka', narachk cha wallelere be'nn gun yel korchis, na yenle gunee da nak dalixhej. Cha wallelere, na sixhena ke Jerusalén'na.

Da ka' llixhjoe be'nn ka' llayixjwe di'llen naken di'll wxhiyeze, bxus ka' llnebia ake' kon ke llazrall ake', na kaksen llazrall be'nn yell kian. Axha, ¿akre gun re' keten llin lla gak da kenxhien cha'?