Popular Bible Verses from Isaías 60

Share

Bias Jerusalén, bseni, le ba bra beni ko'on na yelwak ke Xanllon llsenin ko'o rwe'.

Latj yell-liw ka' yed ake' raw beni ko'on, be'nn wnebia ka' yed ake' raw beni tsir ko'on.

Da xchulen nasjen yell-li'on, tllelen nllelguyen latj yell-liw ka', axha Xanllon wsenie lloarawon na kone rwe' re akre yelwak ke'en.

Txhonj be'nn ki wayak ake' mire, ratze be'nn ki wayak ake' to lat yell-liw xhen. Nada' Xanle, nada' guna nench'na gaken to sete, ket llayal aken.

Bill wtien willen wsenin ko'o tella, ni be'on wsenin ko'o tchele, le nada', Xano, gaka beni, ko'o rwe' ke chnare, nada', Dios ko'on gaka beni ko'o.

Will ko'on bi yegachen chras, ni be'o ko'on bi wniten beni ke'en, le nada', Xano, gaka beni ko'o ke chnare, lla ka' zuyachon wagan.

Rwe', keten rero le akben llebraz yewero, raxhdaon yeweren kwis, gun ake' rwe' da ka' zak ke latj yell-liw ka' lla' llwa nista'on, wayun ake' rwe' yel wnia ke latj yell-liw ka'.

Blis yejrawo ka', na bayechjte bwia: yoy akte lladup ake', na zak ake' rawo. Xhi'nno ka' yed akbe zit kwis, zanielakteze xhi'nno bi nor ka' yedsan akebe.

Yoyte be'nn yell ko'o ka' gak ake' be'nn de baran, gak ake' xan yell xhen ke ake' ka' ke chnare, xlip to yay da guzksa nada', da benksa konen taka ka' nench'na wruera yelwak kian.

Yell ko'on bill yen akre yel llakia ke damaren, na nullno wlleyi, na nullno wachinj latj gan zuon, axha wzoaw ra ze war ko'o ka': Wasra, na reij ko'o ka': Da lloeraw.

Reij ko'o ka' du tiemp yiarj aken, bi wayeyjen ni tella ni tllele, nench'na yedsan ake' yel wnia ke yell xhen ka' yela na cho be'nn ka llnebian konen be'nn ke'e ka'.

Zan ba ka' nzi kamellos chechj rwe' ba zak gan nzi Madián, na gan nzi Efa, yed yoyte be'nn ka' lla' Sabá, noa akte yaj cha'on nzi oro, na yen yar, na we ake' diꞌll ke da ka' llun Xanllon da nak daxhen kwis.

Be'nn zit wayun ake' ze war ko'o ka', na be'nn wnebia ke ake' ka' gak ake' be'nn wen llin ko'o, lakse gan llaklla Xanllon bsakzie'e rwe', na na' raw yel wen ke'en, ba bayachralle rwe'.

Bill gako be'nn bsanlall ake', be'nn llwie akre, na be'nn zu tuze, axha nada' guna rwe' xhen ke chnare, to yel llawe ke chnare.

Yell xhen ka' gu'n ake' rwe' da wen da llaw ake', na be'nn wnebia ka' gu'n ake' rwe' yel wnia ke ake' ka', na wayumbiero nadan, Xano, naka wasra ko'o, ke nadan, be'nn yelwak ke Jacoben naka wasra ko'o.