Popular Bible Verses from Isaías 45

Share

Nada' guna' rwe' da ka' zak da ka' ngach, yel wnia ka' yochaw latj ka' nutno neze, nench'na nezro nadan naka Xano, Dios ke Israel, na llalwilla rwe' konen ra'on.

Nada' kwiarawa ra'on, wzala da ze ton ka', wxhoxjga reij de ya ka' nzi bronce, na wxhoxjtina ya dan nzi hierro.

Nadan naka Xano, nullno llra' yeto, nullno Dios llra' ke nada'. Nada' ba bena rwe' xnid nench'na chajo raw wdil na nike ne numbiesro nada', nench'na nezre yoyte beꞌnn, lla' gan ll-lloj willen, na gan llagachten, nutno llra' yeto ka nada'. Nadan naka Xano, nullno zu yeto.

Nadan lluna benin, na da xchulen, lluna da wen, na dan llsakzi. Nada', Xano, lluna yoyte daki.

Le da konen nada', nada' wasra re', yell ake' lla' zit kwis, le nadan naka Dios, na nullno zu yeto ka nada'.

Xanllon benee nench'na guk Ciron be'nn wnebia, bexe'e take'e nench'na wnebie'e latj yell-liw ka', na wake'e yel llnebia ke be'nn wnebia ka' yela. Xanllon llune nench'na brere Ciron, llyiarj reij ke yell xhen ka' na nutno gak waseij len. Na na' lle'e le'e

Nada' berenksa kwina di'll, bcheba to da gunte ga'n, na de walarawa kedan bcheban: rawa nada' yoy akte wchekw xhib ake', Daliyan llcheba kan gaken.

Nike dan llapa baran be'nn wen llin kia Jacoben, yell ke Israelen, dan ba biazrallan, ba balwilla rwe' kone ra'on, na ba bena' rwe' ra'o da llap ake' rwe' baran, lakse bi numbiero nada'.