Popular Bible Verses from Romanos 4

Share

Mini ek' sk'ujol mi oj b'ob' sk'u'luk ja jas yaluneji. Ayni lek sniwanil sk'ujola, sok jel wa stoyo ja Dyosi. Ja Abrahami wa sk'u'an lek ja Dyos ayni yip b'a oj sk'u'l ja jas yala'a.

Ja b'a ts'ijb'anub'al ja yab'al ja Dyosi, wax yala: Ja Dyosi yal yab' ja Abrahami, oj och tatalil yuj jitsan kristyano jumasa b'a niwak chonab' jumasa. Ja Dyosi, jach' yal yab' ja Abraham yuj ja k'u'aji'i, kechan ye'n Dyos ay yip b'a oj ya sak'wuk ja ma chamta oj cho b'ob' sk'ul jitsan jastik yajk'achil.

Ja Dyosi sk'ulan entregar ja Jesús b'a oj cham yuj ja jmultiki, cho ya sak'wuk, b'a oj ajyukotik toj ja b'a sti sati.

Ja yajni alji yab' ja Abraham yuj ja Dyos jel jitsan oj ajyuk ja yintil jumasa, lajan sok yuj mi smeraniluk. Yuj ja sk'u'an jas alji yab' yuj ja Dyosi, ja'yuj ochni tatalil b'a jitsan kristyano jumasa'a yuj ja niwak chonab' jumasa, yujni wax cho sk'u'an ja Dyosi.

Ja'yujil, ja jas yala ja Dyosi, b'a oj yil ja yintil jumasa ja Abraham lekni'a, ja'yuj k'eb'ub'al ya'a ja jas yala, b'a spetsanil ja ma wax k'u'aji yuji. Mi kechanuk ye'n sb'aj ja ma wa sk'u'an ja yab'ali, cho sb'ajni ja ma wa sk'u'an ja Dyos jastal sk'u'an ja Abrahami. Ja'yuj ja Abrahami ye'n tatal b'a jpetsaniltik.

—Jel lek wax yilawe ja jaw jumasa ja ma'tik ch'ayji ja smule yuj ja Dyosi— —Ja Dyosi sch'ayata sk'ujol spetsanil ja smul jumasa sle'awe'i—. —Jel lek wax yilawe ja jaw jumasa ja ma'tik ch'ayjile ja smule yuj ja Dyos sok spetsanil ja jas mi lek ch'ak sk'u'luke'i

Ja b'a ts'ijb'anub'al ja yab'al ja Dyosi, jach' wax yala jastal iti: —I'ji lek ja Abraham yuj ja Dyosi, Yuj ja sk'u'ani—.