Popular Bible Verses from Marcos 10

Share

Ja ke'n ja yuninon ja winiki, jach'ni wax k'u'lan jastal jawa. Mi jak yon b'a lu'um it b'a oj a'teltajukon, jak yon b'a ke'n oj ka'telta ja kristyano jumasa. Ja' jak sijpa ja ma' mochan te' yuj ja smuli, mi jachuk ita, b'a oj k'u'luk ja iti, t'ilan oj ka' jb'aj b'a oj chamkon.

Ti tojxta och k'eljuke yuj ja Jesusi, ti alji yabye'a: —Ja b'a kristyano jumasa, jel wokol, jaxa sok ja Dyosi, mini t'un wokoluk oj sk'u'l spetsanila.

Ti alji yab' yuj ja Jesusi: —Ojxa b'ob' wajan, yuj ja a k'u'an ja Dyosi, ja'yuj tojb'iyata, —xchi ja Jesusi. Jaxa k'ak'u jawi, yila k'inal ja ma' mix yila k'inal ajyi, yajni waj ja Jesusi, ti cho waj nochan ja ye'ni.

Yuj k'a ye'n ja Dyos ya sta' sb'aj jun winik sok jun ixuk mini ma' oj b'ob' spila.

Jaxa Jesusi, sok syajal sk'ujol sk'ela, ti yal yab'a: —Kechan june ja jas me'xa k'u'lani. Ka'ax kax chono spetsanil ja jasa b'aji, jaxa tak'in janek' oj ja ta' soki, ch'akan k'epayi ja ma'tik ajula sb'aji. Ja jachuki oj ya'wi jun niwan a majtan ja Dyos it tey b'a satk'inali. Tsa'an yajnix ch'aka k'u'luki, ti la jaka, ojni ochan jneb'umanila.

Ti alji yab' yuj ja Jesusi: —¿Jasunk'a waxa k'ana oj k'u'luk a wi b'a? Ja ma' mix ilwani, ti yala'a: —Je'uman, yuj wax k'ana oj kil k'inal.

Jaxa b'a we'nlexi, mi sb'ejuk ja jach' oj ja k'u'lukexi. Kechan ta yuj k'a ay ma' niwan wa sk'ana oj iljuk, a ya'telta ja tuk jumasa.

Ja smeranili, ja ma' mi sk'u'an ja Dyos ja jastal ja yal untiki, mini oj ya' sb'aj b'a sk'ab' ja Dyosi—.

jaxa ma'tik jel niwan wax ya'a sb'aje ja ya'ni, jel ch'in oj iljuke ja k'ak'u jawi; jaxa ma'tik jel ch'in wax ilji ja ya'ni, jel niwan oj iljuke ja k'ak'u jawi.

Yuj ja Dyosi, man sk'u'lan ja b'ajtan winik sok ja b'ajtan ixuki, yuja lajan oj ajyuke'i. Ja'yuj ja winiki, oj ya' kan ja snan stati, oj nupanuk sok ja'ni lajan oj ayuk sok ja sche'umi. Lajan oj ajyuke scha'wanile, june ita oj ajyuke. Ja'yuj ja ma' wax nupani'i, mixa chab'e'uk lajan sok june ita aye'a.