Popular Bible Verses from Mateo 11

Share

—Ja we'nlexi spetsanil k'ak'u jel wa wokolexi, sok cham k'ujolxta wala ajyiyex. La'ik jmok, ja ke'n oj ka jijlanik sok ja jastik wax ek' a k'ujolexi.

K'u'anik ja kab'ali, neb'awik ja jastalon ja ke'n, ja ke'n jel lekon, ja smeranili, ch'in wax ka'a jb'aj. Sok ja ke'n oj ch'ak ch'ay a k'ujolex spetsanil ja wa wokolexi.

Ja jas wax kala wabyex ja ke'n mini t'un wokoluk sk'u'lajela, mini t'un wokoluk oj a wabyex ja jas wax kala wabyexa—.

Jaxa ma'tik tey tiwi ti yal yab'a: —Ye'n ya'ojki ja jtati, kechani ke'n wa sna'a jb'aja, yujni ye'n Yuninona. Me'y pilan ma' lek wa sna'a sb'aj ja jtat jastal ja ke'n. Ja'yuj wax k'ana oj kal yab' ja tuk jumasa ja jas wax yala ja jtati, b'a cho jach' oj b'ob' sna'e sb'aj ja ye'nle'i.

Ti yala ja Jesusi: —Kumxanik, kax alwik yab' ja Juan spetsanil ja jas wa'nex yab'jel sok ja jas wa'nex yiljeli: —Ja ma' mix yila k'inali, wanxax yila ja ma' mix b'ejyi, wanxax b'ejyi. Ja ma k'a'el sb'ak'teli, lekxa aye, ja ma' mix yab' k'inali, wanxax yab'i. Ja ma' chamelxa ajyi, cho sak'wiyeta, jaxa ma' ajula sb'aji, ja wa'n alxel yab' ja yab'al ja Dyos b'a oj sta' ja skoltajele'i.

Yuj k'a oj ja wa' jaman wa chikinexi, —Maklayik lek ja iti—.