Popular Bible Verses from Exodo 32

Share

Yuj jel alb'i waj ja Moises ja b'a wits Sinaiji, ja'yuj ti stsomo sb'aje ja israelenio jumasa sok ja Aaroni, ti yalawe yab'a: —Ye'n ya elkotikon ja Moises b'a Egipto, jaxa ya'n mix na'atikon jasunk'a ek' sb'aji. Ja lek k'u'lan ki'tikon jun dyos kujtikon b'a oj stalnayotikon sok b'a oj cho sje' ki'tikon jasunk'a oj k'u'ltikoni.

Jaxa Dyosi, ti yala yab' ja Moisesi: —Ko'anxa b'a wits Sinaiji, ja kristyano it wa eluke b'a Egipto jel xa kistal wajume. —Jel juts'in ch'ay sk'ujole jastal mi oj sk'u'ukone. Sk'u'lane'ta jun tan yal wakax b'a toj k'anal tak'in, ja wa'ne stoyjel. Smilawe'ta chante b'a sti' sati, wax yalawe ke'non ja wakax jawi, ja b'i wakax jaw ja a'ji eluke jan yuj b'a Egipto. Ti wax kila jastale'a, jel ni ch'u'uye'a.

Yajni yila ja Aaron ja wakax iti, stojb'es yi jun yaltar, ti yala yab' ja kristyano jumasa: —Ja jecheli oj k'u'ltik jun niwan k'in b'a oj toytik ja Dyos kujtiki. Ja'yuj sajto lek ch'ak k'e'uke ja pilan k'ak'u, b'a oj waj ya'we yi smajtan ja dyos b'a oj sk'an'e a ch'ayjuk yi'e ja smule'i. Yajni ch'ak wa' yu'e ja'i, ti och cha'nuke'a.

Jaxa pilan k'ak'u ja Moisesi. Ti yala yab' spetsanil ja kristyano jumasa: —Ja we'nlexi, jel niwan ja wa mul a le'awexi. Ja'yuj oj k'e'kon b'a wits Sinai oj waj k'umuk ja Dyosi, jun sna'jel ta oj ch'ayjuk a wi'ex ja wa mulex jawi.