Popular Bible Verses from 2 Corintios 9

Share

Ta yuj k'a jach' waxa k'u'lanex jastal jawi, jel jitsan ja jas oj ya'wi'ex ja Dyosi, mi jas oj mi oj ja ta'ex, sok jach' ay jas oj a k'u'l'ex t'usan b'a skoltajel ja tuk jumasa.

Ja'yuj b'a kada jujune a ya' ja janek' wax jak b'a sk'ujol oj ya'i. Mi sb'ejuk ja sok cham k'ujol oj ka'tiki, cho mini ja t'enub'ali. —Jasyuj ja Dyosi, jel yaj wax yab' ja ma gusto wax ya'a

A jak a k'ujolex ja iti: —Ja ma t'usan wax ya'a, t'usani wax cho a'jiyi'a; jaxa ma jitsan wax ya'a, cho jitsani wax a'jiyi'a.

Ja inat wax ts'unxi, ye'n wax ya'a ja Dyosi, cho jach'ni ja jwa'eltiki, ye'nani wax ya'a, jach'ni ja we'nlexi ojni ya'wi'ex spetsanil ja jas t'ilan oj makunuk a wujilexi, sok mini oj ya'wex kan jachuka, b'a jach' oj b'ob' a koltayex ja tuk jumasa. Oj ya ajyuk lek ja jastik a b'ajexi, b'a jach' oj b'ob' koltananik jitsana. Jachuk jel jitsan ja ma oj ya' yi ts'akatal ja Dyos yuj ja tak'in it oj a tsom'exi, sok yuj ja ke'n oj waj ka'tikon kani.

—Sts'akatal ja Dyos yuj jas ya'ta ki'tiki. Jel niwan, mixax ta'a jas oj kaltik.