Popular Bible Verses from 2 Corintios 7

Share

Yajni wax ya wi'ex jun cham k'ujol ja Dyosi, mok jas a na'ex, yuj ja cham k'ujol jawi, ojni stukb'esex b'a oj a k'an'ex yi perdon ja Dyosi, sok ojni skoltayexa. Ja cham k'ujol jumasa wax ya'wi'ex ja swinkil ja lu'um iti, ojni b'ob' sch'ay a na'jelexa.

Jmoj aljel jumasa, ja iti, ye'n yalunej ja Dyosi. Ja'yuj b'a oj yi'otik lek ja Dyosi, mi sb'ejuk oj k'u'luktik ja b'a mi sb'ejuki, sb'ej oj k'ujoluktik b'a mi oj jle'tik ja jmultiki. La jtoytik ja Dyosi, sok la k'ujoluktik oj ajyukotik toj jastal toj ay ja ye'ni.

Jaxa ya'n jel gusto ayon, yuj wa cham k'ujolex jawi, stukb'esex man a k'anawex yi perdon ja Dyosi. Ja smeranili yujni jach' wa sk'ana ja Dyosi. Ja'yuj mix k'u'an yuj jk'u'lantikon a wi'ilex ja b'a mi lekuki yuj ja jts'ijb'atikon a wi'ex ja ju'un jawi.