Popular Bible Verses from 2 Corintios 12

Share

jaxa Dyosi ti yala kab' jastal ita: —Ja we'n kechan ita ja' oj makunuk a wuj ja syajal jk'ujoli. Ja kipi ti wa sje'a sb'a b'a ma mey lek ja yipi, —xyutajon. Ja'yuj gusto wax kab' ja mey lek kip wax kab'i, b'a jach' ti oj sje' tiw ja yip ja Kajwaltik Jesusi.

Jel gusto ayon ja mey lek kip wax kab'i, cho jach'ni yuj ja wala xiwtajiyon yuj ja wax i'ji jpatiki, yuj ja ay jas mey ki'oj, ma yuj ja jel wax ki'aj ja wokol yuj ja toj ayon sok ja Kajwaltik Jesusi. Jayuj ma' wax ya' ja kipi, jani yuj ja mey ja kipi.

Ja yajni ke'n ita oj kal jb'aji, mi yuj loko'iluk, yujni ja wa'non yaljel ja smeranila. Mi oj k'u'luk ja jastal jawi, mix k'ana kechan yuj ja jastik jumasa wax k'u'lani, ma wax kala, ma sok ja jastik jel tsamal sje'ata ki' ja Dyosi, mi ay ma' ti oj jyal ke jel niwan oj ka' jb'aj sok ja jmodo. Ja'yuj b'a mi jel niwan oj ka jb'aji, lajan sok ay jas jel tsats wa'n ek'el kuj. Lajan sok jak ja tan pukuji jak slap ki jun k'i'ix ja b'a jkwerpo b'a oj ya ki' ja wokoli.