Popular Bible Verses from 2 Corintios 1

Share

—La ka'tik yi ts'akatal ja Dyos ja stat ja Kajwaltik Jesusi— Ja ye'n jun Tatal jel lek sok jel ja syajal sk'ujoli, sok spetsanil k'ak'u wa skoltayotik. Ja yajni ay wokoltiki, ma ja yajni ti wa'ntik yi'jel ja wokoli, Dyos wa skoltayotik ja ke'ntik b'a oj b'ob' koltatik ja ma wa'n wokol sok ja ma'tik ay yi'oj ab'al k'umali.

Ja ke'ntikoni, jel wax ki'ajtikon ja wokol jastal yi'aj ja Kajwaltik Jesusi. Yuj ja ye'n, ja'yuj ja jTatik Dyosi, wax ya' kulan jk'ujoltik.

Ja smeranili, wanxax kab'tikon jach' aytikon jastal ma aljita yab' oj miljuk. Ja jastal jawi, jel skoltayotikon b'a oj k'u'uktikon ja Dyos it ma oj ya sak'wuk ja cham winik jumasa, mi kechan ke'n oj kaltik yujni oj b'ob' kujtik spetsanila.

Ja ke'ntikon sok ja we'nlexi, Ye'nani ja Dyos ja ma wax ya' ajyukotik toji, sok ti wa stsomowotik yuj ja Kajwaltik Jesusi. Yuja ye'nani stsa'awotikona b'a jach' oj sje' yuj sb'a jotikon ye'na, ya'a jun jsenyatikon: Ja senya jawi, ja ya'ki'tikon ja Espiritu Santo.

Wax ki'ajtikon wokol ja b'a oj a wa' kulan a k'ujol ja we'nlexi, cho i'ajik lek ja wala koltaxiyexi. Ja ke'ntikoni, Dyos wa skoltayotikon b'a oj ka'tikon kulan a k'ujolex ja we'nlexi. B'a jach' oj b'ob' kuchuk a wujilex takal takal ja wokol jumasa ja jastal wax ki'ajtikon ja ke'ntikoni.