Popular Bible Verses from Romanos 8

Share

Nnija'awëm ëëtsajtëm ko ja Dios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Nnija'apës ko ka'ap pën xypyëjkëmëty ja Dios ja tsyojkën: ni o'kën, ni juukyajtën, ni tsajpjotmëtë kukäjpxy, ni ku'oypyë, ni tyampë, ni miinpë wiinkoonpë, ni këkpë, nitii wiinkëtypë mëti'ipë Dios y'oytyuunën. Ka'ap tii xytyuk'ëxmajtsmëty ja Dios ja tsyojkën mëti'ipë nmëët'ajtëmën Wintsën Jesukristë mëët.

Jëtu'un ja Kënu'kxymyëkajtën xypyutëjkëmë ma tii ntsipja'awëmën. Jä'äkyëjxm ko nkajajtëm wi'ix ja Dios nja'amyäjtsmëtyën ijxtëm pyaat'atyën, yë Kënu'kxymyëkajtën ëëts xykyunu'kxtakëm ma ja Tiosën, jä'ä ko ka'ap ja aaw ayuk yajpaaty wi'ix yajkajpxpëtsëmëtyën.

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Paaty tyam ka'ap pën poky y'ëk'ijnë, mëti'ipë ja Kristë Jesús mëët tu'ukyë yajpaatyën

Ko ja ja'ay tmay ttajy mëti'ipë ja ni'kx kopk tsyojkpyën, tukpatëp ja o'kën; e ko ja ja'ay twinmay mëti'ipë ja Kënu'kxymyëkajtën tsyojkpyën, tukpatëp ja juukyajtën ets ja jotkujk'ajtën.

Ko tii xyjyajtëm xykyëpäjtëm, nmëmëtakëm, jä'äkyëjxm ko ja Kristë xypyutëjkëmë, mëti'ipë ni'ik xytsojkëmën.

Ja ëyo'on mëti'ipë tyam nmënajx nyajnajxëmën yi'inëm yë'ë, ko mëët n'ijxkijpxmëty ja mëj'ajtën jaanty'ajtën mëti'ipë ok npaata'anëmën.

¿Pën jëtää xy'ëkpëjkëmëp ja Kristë ja tsyojkën? ¿Wä'än jëtää yë'ëty tsipë, ëyo'on, ko nyaj'ëxwojpmëtyë ëkë ko yuu xëëw nyajnajxmëtyë, ëkë ko nwit'ajt nxox'ajtëm kya'itëtyë, ëkë ko kutsë'ëkëtuuy nyajpatmëtyë, ëkë ko yë ja'ay xyaj'o'kmëtyë?

Ets ja Dios, mëti'ipë tyuk'ijxnajxypyën ëëts ja n'aaw'ajt njot'ajtëmë, nyija'ap mëti'ipë winma'any ja Kënu'kxymyëkajtën myëët'ajtypyën, jä'ä ko ja Kënu'kxymyëkajtën nyinu'kxtäkpy ja jyä'äy ijxtëm ja Dios tsokyën.

Tëkokyë ja ja'ayëty mëti'ipë në'ëmooy tu'umooyëpën ja Dios ja Kyënu'kxymyëk'ajtën, Dios ja u'unk'atanëtëp.

Mëti'ipë juuky'ajtëpën ijxtëm ja nyi'kx kyopk tsoktën, aakjä'ä myääytyëp tyajtëp mëti'ipë ja nyi'kx kyopk tsyojktëpën; ets pën juuky'ajtëpën ijxtëm ja Kënu'kxymyëkajtën tsokyën, aakjä'ä myääytyëp tyajtëp mëti'ipë ja Kënu'kxymyëkajtën tsyojkpyën.

Jä'ä ko ka'ap ja Dios të tukwintuk'ooky ja kyë'ëm U'unk, tëë ni'ëmukë xykyu'o'këmë, ¿Wi'ix ko ënät xykyamo'omyëty mëët yë'ë tu'kë'ëyë winë?

Ets nän yë'ë ya'atë Kënu'kxymyëkajtën mëët tu'ukyë yajpaaty mëët ëëts'ajtëmë ets nyajtijmëty Dios y'u'unk. Ets ko yë'ë xy'u'unk'ajtëmë, näjyëtu'un ja Kristë mëët xypyaat'ajtëmë ja kuma'ayën mëti'ipë ja Dios të xytyukwinwa'anëmën, jä'ä ko tu'ukyë ja Kristë mëët nyajpatëmë ja myëj'ajt jyääntyajtën, jä'ä ko tu'ukyë mëët n'ëyo'owëmë ets jam nyajpatmëty ma myëj'ajt y'oyajtënën.

Pën myääytyëp tyajtëp mëti'ipë ja ni'kx kopk tsyojkpyën, myëtsip'ajtëp ja Dios, jä'ä ko ka'ap ja Dios ja y'ënä'ämën tsojkëtë ets ka'ap tpatuunëtë.

Tu'kë'ëyë mëti'ipë ja Dios të tyajkojyën jyëjp'ijxtëp ja xëëw ma ja Dios tyajnikëxë'ëkanyën mëti'ipë y'u'unk'ajtypyën.

Nnija'awëm ko tu'kë'ëyë mëti'ipë ja Dios y'oytyuunën, ëyoow jotëkooytyëp jä'äjëty tyam ijxtëm tu'uk ja to'oxytyëjkën mëti'ipë u'unkpaataanpën.