Popular Bible Verses from Romanos 6

Share

Ja poky, yi'iyë të tyäky ja o'kën tëko'oyën; Dios yë'ë të tyäky yë juukyajtën xëmëkyëjxmëpë, ko yajmëpëky ja nWintsën'ajtëm Jesukristë.

Jëtu'unts ja poky ka'ap m'ëk ënä'ämënëtëty, jä'ä ko ka'ap yë'ë ja ënä'ämën xy'ëktukjuuky'ajnëtë, Dios ja y'oyajtën mtukjuuky'ajnëtëp.

Ets ko nyajpatëmë jëtu'un ijxtëm jeexyë tu'ukyë të n'o'këmën ets të nnaaxtëjkëmë mëët ja Kristë, jëtu'un të njuukpyëjkëmë näjyëtu'un ijxtëm ja Kristë ojts jyuukpyikyën, mëët ja Dios Teety ja myëj'ajtën ets nmëët'ajtmëty ja jempyë juukyajtën.

Ka'ap xykyë'ëyaktëty ja mjot mnini'kx ets mpokytyuntëty, ets yi'iyë ja ëxëëkpë xytyuunëtëty. Nikë oy mnäpyëjkta'akëtëty Dios kyë'ë'am, jëtu'un tä ja ja'ayën tëëpë y'ookyën ets tëëpë jatëkok jyuukpyikyën, ets xykyë'ëyaktëty ja mni'kx mkopk ma ja nipaye'eyën oypyë yë'ë wyintum.

Nnija'awëm ko ëëtsajtëm ëxëëk ijty njuuky'ajtëmë, e tëë ja njuukyajtën'ajtëm mëët tu'ukyë ja Kristë kyëruutspety, ets jëtu'un kyutëkoyëty ja ëxëëk winma'any ets ka'ap ja poky xy'ëktëytyu'unënëty

Näyjyëtu'un miits mnätyijëtëty ijxtëm jeexyë të mwë'ëmtën ooky ma ja pokyën, mjuuky'ajtëp tyam mëët ja Dios jä'äkyëjxm ko ja Kristë mëët tu'ukyë m'itë.

¿Wi'ix na'ëna'anmëty? ¿Pokytyuun'ëtëtsmëp ets ja Dios xy'oyjya'awëmëtyë? Niwi'ix'äämpy. Jëtu'un nyajpatëmë ijxtëm ja o'kpë ma ja pokyën. ¿Wi'ix npokytyuun'ëtëtsmëty?

Miits mnija'awëtëp pën mnäkyë'ëyajkëtëp ijxtëm ja mëtuunpë nitookpyën ma tu'uk ja wintsënën ets tëë m'ëna'antë ko yë'ë xymyëmëtowa'antë; mëtuunpë nitookpyë miitsëty mnaxtë ma tääpë ja wintsënën mëti'ipë mmëmëtoowtëpën; e näjyëtu'untsën miits mnaxtë tä ja mëtuunpë nitookpyën, ko yë'ë xymyëmëtowtë ja poky ets myaj'ookëtë, ëkë ko xymyëmëtowtë ja Dios ets mjuuky'atë ma ja oypyë ja nipaye'eyën.

E nkukajpxëpës ja Dios, oy ijty ja poky xyjyamëtuntë ijxtëm tuunpë nitookpyën, tëë miits ëmuumtu'ukjot xymyëmëtowtë ko ja ijxpëjkën të xypyaatë. Ëwaatsëtum miits të mwë'ëmtë ets jëtu'un ka'ap m'ëk pokytyuunëtëty, tëë miits mjuuky'ajtsoontë ma ja mëtëypyë ja nipaye'eyën.