Popular Bible Verses from Romanos 4

Share

Ka'ap ojts tmëjot'amutskë ja Dios ja wyaantakën, wäänëni'ik jyaak timmyëpëjky. Ojts ja Dios tmëjjawë tjaantyjyawë, tëë ënety ja y'aaw jyot tpëjktä'äky ko Dios ja mëk'ajtën tmëëtëty ets tpatun ja wyaantä'äky.

Ijxtëm ja Dios ja y'aaw y'ayuk y'ënä'änyën: Tëë mijts npëjktä'äky ets ja naaxwiinyëtë ja'ay may xy'u'unk'at xy'ok'atëty. Abraham ëëts nteety'ajtëmë Dios wyintuuy wyinkujk, ja Dios mëti'ipë myoopyën ja juukyajtën ja o'kpë ets tyajkoj'ëtë'ëtsy mëti'ipë kaka'atpnëmën.

Jesús, ojts yajkë'ëyäky ets y'ookëty mëët ko ënety ëëtsajtëm npokymyëët'ajtëmë, e ojts jyuukpyiky ets ëëtsajtëm wa'ts nwë'ëmëty.

Ko ënety ka'ap tii ja Abraham t'ëkjëjp'ijxnë, jää ojts myëpëky ets jatëkok winë tjëjp'ijxy; jëtu'unts ojts nyäxy, teety ma ni'ëmukë ja naax kajpnën, jëtu'un ijxtëm ja Dios ënety të y'ënë'ëmxëtyën: Jëtu'un nëjkx ja m'u'unk m'ok myäyë.

Jëtu'un ja waantakën xëmë tsyoowpaatëty mëti'ipë ja Abraham tyuunën ets tuk'oy'atëty ja y'u'unk y'ëna'k; tyaapë oyajtën namëyajtën ojts tpaatë, yë'ëkyëjxm ko myëpëjktë. Ka'ap yi'iyëty mëti'ipë pyatuuntëpën ja ënä'ämën tëyajtën, näjyëtu'un ja mëti'ipë mëpëjktëpën jëtu'un tä ja Abrahamën. Jëtu'un'äämpy ja Abraham teety nyäjxy ma ëëtsajtëmën.

Jëtu'un ja David y'ënäny: Jotkujk ja ja'ay yajpaaty mëti'ipë ja Dios ja pyoky të nyime'kxyën, ets ka'ap ja pyoky yajmëjpëjktä'äky. Jotkujk ja ja'ay mëti'ipë ja Wintsën ka'ap myëjpëjktakxëtyën ja pyoky.

Jëtu'un ja Dios ja y'aaw y'ayuk y'ënä'äny këxja'ay: Abraham ojts ja Dios tmëpëky, paaty ojts wa'ats yajnaxyë.