Popular Bible Verses from Mateo 18

Share

Jä'ä ko ma nimäjtsk nitëkëëk ja'ay yajpaatyën ëjts nxëëwkyëjxmës, tamës ëjts itkujky nyajpaaty.

Jëtu'un n'ënëëmëtë pën nimäjtskja'ay nyäkyäjpxyë ets tii t'amëtowa'antë ja nTeetyës tsajpjotmëpë, yajmo'otëp yë'ëjëty.

Tääts ja Jesús tu'uk ja pi'k ëna'k tyaxëy ets tpëjktäky itkujky, ets y'ënäny: Tëy miits n'ënëëmëtë, pën ka'ap miits ja mjuukyajtën xyajtëkatstë ets mwinpitë ijxtëm yë pi'k ëna'kën, ka'ap nëjkx mtëkëtë ma tsajpjotmëpë kutujktaknën.

Pën yujy naxym näpyëjktakëp ijxtëm yë pi'k ëna'kën, yë'ë mëj'äämpy naxaanp ma ja tsajpjotmëpë kutujktaknën.

Ets pën kyupëjkpy ëjtskyëjxm tu'uk ja pi'k ëna'k ijxtëm ya'atën, nän ëjts ënety xykyupëjkp.

Tëy miits n'ënëëmëtë, pën tii mkutsuumtëp yaa naaxwiiny, näjyëtu'un kutsumy wyë'ëmëty tsajpjotm; ets pën tii mmëkäjëtyëp yaa naaxwiiny, näjyëtu'un mëkäjë wyë'ëmëty jam tsajpjotm.

Tääts ja Jesús jyaak'ënany: Näjyëtu'un ja nTeetyës tsajpjotmëpë tuna'any ja ja'ay ma miitsëtyën, pën jää miitsëty ka'ap ja mmëku'uk xynyimä'kxtë.

Pën nitu'uk ya'atë pi'k ëna'k yajpokytyuunpy mëti'ipës xymyëpëjkpën, nikë oy jeexyë ja paantaak yajtukyo'ktsumy ets kyinëty këkmejyjoty.

¿Wi'ix miits m'ëna'antë? Pën tu'uk ja'ay nimëko'px yë kyupixyny ets tu'uk tyëko'oyxyëtëty ¿këtii t'ëxmatsëty ja nimajkta'px majkmokx majktaxkpë jam kopkëjxm ets nëjkx t'ixta'ay mëti'ipë të tyëkoyënë?