Popular Bible Verses from Mateo 16

Share

Tääts ja Jesús t'ënëmaay ja y'ijxpëjkpëtëjk: Pën tsyojkpy etsës n'ijxpëjkpë'atëty, wä'än ja kyë'ëm winma'any tja'atyëkoy ets ja wyinma'any mëk tpëjkta'akëty ijxtëm tu'uk ja ja'ay kyëruuts tpatsëmyën ko ja y'o'kën t'anëjkxë, etsës xypyatsoonëty.

Pedro mijts yë mxëëw. Jëtu'un mijts ijxtëm ja tsaajën maas ja tsajptëjk nkojë'ëka'anyën. Ets ni ja o'kën kyamëmëtaa'akëtëty.

Nmo'ojäämpy ja tsajpjotmëpë kuttujkën ja nyi'ëwatsn ets xynyikajpxëty mëti'ipë tuunp katuunpën. Pën tii mijts mkakupëjkpy yaa naaxwiiny, näjyëtu'un ka'ap yajkupëkëty jam tsajpjotm; ets pën tii mijts mkupëjkpy yaa naaxwiiny, näjyëtu'un yajkupëkëty jam tsajpjotm.

Jä'ä ko pën ka'ap wi'ix jyata'any, tëkoyëp ja jyuukyajtën; e pën ja jyuukyajtën wintëkoopy mëët ëjtskyëjxm, jä'äts pyaatëp ja nitsokën.

¿Tii ja ja'ay nyawa'anëty oy tjaniwaanta'ay tu'kë'ëyë winë yaa naaxwiiny pën yajtëkoopy ja jyuukyajtën? ¿Ëkë jënu'un ja ja'ay ja jyuukyajtën t'ëknikëpäjtu'utëty?

Tä ja Jesús tyajtëëy: E miitsëty ¿wi'ix m'ëna'antë, pën ëjts? Tääts ja Simón Pedro y'ëtsooy: MKristë mijts, ja juuky Dios ja y'U'unk.

Ënet ja Jesús y'ënëmaayë: Akujk jotkujk mijts, Simón, Jonás yë myaank, jä'ä ko ka'ap jyä'äyëty të mtuknijawëty, Dios Teety tsajpjotmëpë yë'ë të mmo'oyë jëtu'unpë winma'any.