Popular Bible Verses from KIDUNG 9

Share

Duh Ratu Sang Hyang Widi Wasa, jadmane sane uning ring Palungguh IRatu, ipun jaga pracaya ring Palungguh IRatu. Palungguh IRatu nentenja jaga ngutang sawatek anake sane rauh tangkil ring ayun Palungguh IRatu.

Duh Ratu Sang Hyang Widi Wasa, titiang jaga muji Palungguh IRatu antuk saguluking manah titiange. Titiang jaga nyritayang sakancan paindikan sane luih-luih sane sampun kardi Palungguh IRatu.

Ida Sang Hyang Widi Wasa dados pasayuban pabuat jadmane sane kala-ala, tur dados genah sutrepti rikalaning katempuh antuk kamewehan.

Duaning sih pasuecan Palungguh IRatu, titiang jaga makidung saha suka rena. Titiang jaga makidung muji Palungguh IRatu, duh Widi Sane Maha Wisesa.

Ida mrentah jagate antuk kadilan. Ida nepasin bangsa-bangsane saha adil.