Popular Bible Verses from KIDUNG 7

Share

Titiang matur panyuksma ring Ida Sang Hyang Widi Wasa, malantaran kadilan Idane. Titiang makidung muji Ida Sang Hyang Widi Wasa, Sane Maha Luur.

Ida Sang Hyang Widi Wasa dados pasayuban titiange. Ida ngrahayuang anake sane astiti bakti ring Ida.

Ida Sang Hyang Widi Wasa maraga hakim sane adil tur setata nyisipang jadmane sane jaat.

Palungguh IRatu maraga Widi sane adil, tur sane nepasin pepineh miwah pakitan titiange. Puputangja kajaatan jadmane dursila, tur pikolihinja jadmane sane becik.

Duh Ratu Sang Hyang Widi Wasa, Widin titiange, titiang tangkil ring ayun Palungguh IRatu buat nunas pasayuban. Luputang tur rahayuangja titiang saking sakancan jadmane sane nguber titiang.