Popular Bible Verses from PITUTUR 1

Apanga cening ngelah karirihan, paling maluna pesan cening patut astiti bakti teken Ida Sang Hyang Widi Wasa. Jlemane ane belog tusing bisa ngajiang kawicaksanan muah tusing nyak mlajah. Ih cening, padingehangja raos meme bapan ceninge.

Jlemane ane tusing ngelah pepineh lakar mati sawireh ia nulak kawicaksanan. Jlemane belog lakar kasirnayang baan perahne ane nglewa. Nanging nyenja ane madingehang manira, ia lakar nemu rahayu. Ia lakar rahayu sawireh tusing ada ane patut takutina.”

Pabuat anake wicaksana, pituture ene makadadi imbuh kabisannyane muah pabuat anake widagda makadadi panuntunnyane

Ih cening, yen ada jlema dursila ngoda cening, eda cening nyerah.

Pitutur Ida Sang Prabu Salomo, ratun bangsa Israele, putran Ida Sang Prabu Daud, sapuniki: Pituture ene ngranayang cening ngresep teken kawicaksanan muah pitutur ane melah, buina ngranayang ngresep teken tuture ane dalem-dalem. Buina tuture ene masih nguruk cening apanga cening ririh, patut, adil muah jujur. Pituture ene masih ngranayang anake ane tunan pepineh dadi dueg muah ngurukang bajang-bajange apanga dadi ririh.

Ditu mara iba lakar ngalih manira kema mai, nanging tusing lakar bakatang iba. Ditu iba lakar ngalih karirihan, nanging manira tusing lakar masaut. Iba suba tusing maguna buat karirihane, buina iba suba setata tempal teken Ida Sang Hyang Widi Wasa.