Popular Bible Verses from CACAH JIWA 22

Share

Ida Sang Hyang Widi Wasa raris mapaica karirihan ring keledaene punika mangda mrasidayang mabaos. Duaning punika keledaene punika raris mabaos ring Dane Bileam sapuniki: “Napike iwang titiange ring pamekele, mawanan pamekele nglempag titiang kantos ping tiga?”

Ida Sang Hyang Widi Wasa tumuli ngawinang Dane Bileam mrasidayang ngaksi malaekat Ida Sang Hyang Widi Wasa ngambel pedang membus irika. Irika Dane Bileam raris nylempoh tur makakeb sarwi nyumbah.

Malaekat Ida Sang Hyang Widi Wasa raris mataken, sapuniki: “Ngudiang dadi kita nglempag keledaen kitane kanti ping telu? Manira teka ene buat ngalang-alangin kita, sawireh patutne kita tusing dadi kema.

Atur keledaene punika sapuniki: “Boyake titiang puniki sampun sue pisan dados padruen pamekele tur sampun biasa linggihin pamekele? Punapike titiang naenin tempal ring pamekele?” Pasaur Dane Bileam: “Tusing.”

Pasaur Dane Bileam, sapuniki: “Sawireh iba mlegendahang kai. Yen kai ngaba pedang, sinah iba matiang kai.”

Duk punika rikala keledaene punika ngeton malaekat Ida Sang Hyang Widi Wasa, keledaene punika raris ngebahang dewekipune. Dane Bileam kalintang duka, kantos keledaene punika lempag dane antuk tungked.