Popular Bible Verses from MARKUS 15

Share

Sampun sawatara jam tiga Ida Hyang Yesus raris majeritan antuk suara jangih asapuniki: “Eloi, Eloi, lama sabahtani!”, tegesipun: “Duh Ratu Widin Titiange, Widin Titiange, punapi awinanipun IRatu nilar Titiang?”

Daweg pangageng prajurite sane ngadeg marep-arepan ring salib Idane nyingak indik sedan Idane kadi asapunika, dane mabaos sapuniki: “Jati-jati tuah Anake ene Putran Widi!”

Duk punika langse panyeleng Perhyangan Agunge jeg sibak dados kalih saking duur ngantos ring sor.

Malih pisan Ida majeritan antuk suara sane jangih, raris Ida seda.

Ngawit saking jam roras ngantos rauh jam tiga sore, sawewengkon jagate irika kaliput antuk peteng dedet.

Santukan Gubernur Pilatus mapakayun jagi ngulurin manah rakyate punika, punika awinanipun Barabas kabebasang. Raris Ida Hyang Yesus katigtig tumuli kaserahang mangda kapentang ring salibe.