Popular Bible Verses from YOSUA 2

Share

Riwau tiang sareng sami miragi indike punika, tiang sareng sami rumasa ajerih pisan. Tiang sareng sami ical kawanenan tiange marep ring ragane. Ida Sang Hyang Widi Wasa, Widin ragane, Ida Widin suarga miwah jagate.

Tiang sareng sami sampun miragi indik Ida Sang Hyang Widi Wasa sampun ngenyatang toyan Segara Gelagahe ring ajeng ragane rikala ragane matilar saking jagat Mesir. Tiang sareng sami taler sampun miragi, indik ragane nyedayang Sang Prabu Sihon miwah Sang Prabu Og, ratun wong Amorine makakalih sane wenten ring dangin Tukad Yordane.

Ring wengine punika sadurung mata-matane punika pules, Ni Rahab raris munggah ka loteng, sarwi mabaos ring sang kalih, sapuniki: “Tiang uning mungguing Ida Sang Hyang Widi Wasa sampun maicayang jagate puniki ring ragane. Sakancan jadmane ring jagate puniki sami ajerih ring ragane.