Popular Bible Verses from NABI YEREMIA 5

Share

Ulun ene Sang Hyang Widi Wasa. Apa kranane kita tusing takut teken Ulun? Apa krana kita tusing jejeh di ajeng Ulune? Ulun ane ngejang biase di pasisi makadadi wates pasihe, nah ento wates ane tetep ane tusing dadi liwatina. Pasihe dadi mombakan, nanging ia tusing dadi ngliwatin watese ento. Ombake dadi makuug nanging ia tusing dadi mamuuk ngliwatin batese ento.

Ih parasemeton wong Yerusalem! Duluhja sawatek margine ring Yerusaleme! Cingakinja milehan! Cingakinja ring pantaran semetone! Rereh-rerehja ring pasar-pasare! Punapike semeton nyidayang manggihin anak sane malaksana patut, tur satia ring Ida Sang Hyang Widi Wasa? Yen semeton manggihin, Ida Sang Hyang Widi Wasa pacang ngampurayang wong Yerusaleme.

Paranabine setata mobab dogen, parapanditane mrentah buka prentah paranabine, tur kaulan Ulune jeg nuutang dogen. Nanging apa ane lakar gaenina yening masa pamragate suba teka?’ ”