Popular Bible Verses from NABI YESAYA 51

Share

Ida Sang Hyang Widi Wasa ngandika asapuniki: “Tuah Ulun ane ngranayang kita siteng. Apa awanane kita takut teken manusa pada ane tuara lebihan tekening padange?

Ulun ngebatang langit tur masang dasar gumine. Ulun ane ngandika teken kota Yerusaleme kene: ‘Kita kaulan Ulun! Ulun suba maang kita purukan tur Ulun nyayubin kita aji tangan Ulune.’ ”

Ih anak ane nawang unduk ane patut, anak ane nyak ngincepang paurukan Ulune di atinnyane, edaja kita takut yen kita cacada muah nistaanga baan anake.

Ulun lakar nyinahang sih kapiolasan Ulune teken kota Yerusaleme, nah ento anake makejang ane nongos di uug-uugannyane. Yadianja tanahnyane suba magoba tegal melakang, Ulun lakar ngubah ento apang dadi taman, buka tamane ane adakang Ulun di Eden. Ditu lakar ada kasukan muah kaliangan tur kidung puji-pujian muah atur panyuksma lakar katur teken Ulun.

Anake sane luputang Palungguh IRatu prasida rauh ring Yerusalem saha liang, makidung tur masuryak, duaning gargitannyane. Ipun pacang muponin bagia salawas-lawasnya tur luput saking pakewuh lan kaduhkitan.