Popular Bible Verses from Marcos 13

Share

Nitukkë'yë jaa'y tu'knaxwiin ooky ke'eky m'ijxëtë't, jakëjx ku ëjts xtëyjyawëtë; pënts ttanajxkëjxp tukkë'yë jä' ayoo'n nits ëjts xtëyjaa'wë'y'atë'ëtst, jä'äts nitsoojkë'n tpaat'të'p.

»Jakëjxts ëjts ixyam nwa'any: Na'y'ijxy'ittëtë jäts nakyujüky'attëtë, jä'ku kä' pën tnijawë junë jä' najj jyatt.

Katij kyoojyë xwinmaytyë ntsoj y'ijxë mnakyu'atsowëtë't ku jaa'y mmunëjkxëtë't kuttunktëjjk wyinkujkm. Jä'ku kä' miits kë'm mkajpxt, Yës Teety Jyaa'wë'n miits mmo'jëtë'p aaw ayuujk ntsoj m'atso'otë't.

Kutakko'ypy yë' tsajpwiin, naxwiin, kuts ëjts n'aaw n'ayuujk kä' yë' najjyë nyaxt, kuytyunë'p yë' pu'uky kä'pxy.

»Junë'ts jä' najj jyatt, nippën tkanijawë, tsajpjaa'ytyë pën jäm tuntë'p, jäts kë'm Yës Teety y'uu'nk kä' jä' tnijawëtë. Kë'm jä' nTeety'ajjt nityu'uk tnijawë.

»Ku xmato'otë't tsip tyünyë jaxij jayaj, kä' mtsë'ëkëtë't. Jä'ku naa'm jä' jawyiin jyatt; kä'änë'mts wyä'në tpaaty jä' xëëw maj it naxwiin kyëxt.

Jakëjxts ëjts miits nnëëjmë, nakyujüky'attëtë nits jup'ijxy m'a'ijxtë't, jä'ku nippën tkanijawë junë jä' kuttëjjk wyimpitt, ja'atp jä' möny'it, tsuu'm, xëëjnytya'akwamp, ok jokyë; Ntsoj ku atsu'ujky jya'att jäts mmaap mpaatëtë't. Naa'xkë'n ëjts miits ixyam nnëëjmëtë, ninyajj ëjts nitukkë'yë jaa'y nnëëjmë: ¡Nakyujüky'attëtë nits jup'ijxy m'a'ijxtë't!»

Natsyiptunëtë'p jaa'y tu'k'it jatu'k'it, nanyiputtë'ëkë'p naajx kajjp tu'kwiin jatu'kwiin; ujjxë'p mëjknäxy oymyaa'jë, jää'jë'p yuuj xëëw. Najjts tsyoo'nta'akt mëjk'ayoo'n yaj it naxwiin.

Kä'änë'm wyä'në it naxwiiny kyexy nits Yës Teety y'aaw y'ayuujk wya'kxta'at tu'k'it naxwiin.

Jä'ku nimay jaa'y myi'ntë't jäts nyaknyaxëtë't naa'xkë'n ëjts, nits wya'antë't: “Ëjts jä' yëknitsokpë'eepy”, najjts nimaynyäxy jaa'y twin'ëëntë't.

»Na'y'ijxy'ittëtë miits kë'm; jä'ku myëkkë'yaktë'p kuttunktëjjk kyë'jë'm, mëët myëkwoptë't myëkkoxtë't pënmaj ka'amaa'yë'n xjatayo'oymyuktë. Myëkmunëjkxtë'p yëkkuttujkpëttëjjk wyinküjkypy, jakëjx ku ëjts miits xtëyjyawëtë, katits mtsë'ëkëtë, ttamumatya'aktë jä' jaa'ytyë ëjts n'aaw n'ayuujk.

Jä'ku mi'ntë'p ëë'mpëjaa'y jäts nyatyijjëtë't yëknitsokpë ok yëk'ayuujknajxpë; nits tyëknikkä'äxjë'ëktë't mëjjputtëjjk'ëë'ny mëjj'ijxpäjjt, jäts jaa'y twimpit'të't twin'ëëntë't, jä' paat yyëkwin'ëëntë't pënjäty tëj Yës Teety kë'm tjawin'ijxy tjawinway.

»Kuts tëj wyä'në ayoo'n nyajxkexy, nits xëëw y'ookt jäts kä' po' y'ok'annë't, ka'ap may matsa' jäts tukkë'yë tsajpwiin myëjk'ajjtë'n kyuttujjkë'n yyo'oyty xyi'nt.