Popular Bible Verses from San Mateo 18

Share

Juma mäjtsk tuuk nyamyuketa ëts nxëë këx, jääta y'itkujk ëts napïme.

We'en ëts miits nëjmeta: Pën nimätsk miits xkotsmujkta yaja naxkïx jäts x'amotetat kïpx pen tii mtsojktep jäp tsapkets jeetp, ëts jä nTee juu jäm tsapjootm jää miits mojetap.

Wa'nit jä Jesús tmëjweew jä pijk unejk, jäts nyapyëmet jää may jaye y'akujkta Jäts wya'any: —We'nam jyatet pën ka' miits jä mwinmaayen xyajktijkejtsta jäts mnaakwimpitetat we'n ixu'n yëë pijk unejk, kä miits nëjkx mtëjketa jä kutujken juu jäm tsapjootm.

Pen pën nïïjk naaxk we'n ixu'n yëë pijk unejk jää nëjkx niyujk tnimëja jäm juma kutujken juu jäm tsapjootm.

Jäts pën tkupëjkp jä pijk unejk ëts nxëë këx ixu'n yëë, ëts jäwe xkupëjkp.

We'nam jyatet pen mkuwëëntep miits yaja naxkïx, nawyen miits jäm tsapjootm kuwïïn miits jäm m'ijtat, pën mkukätep miits yaj naxkïx, nawyën jäm tsapjootm kukej miits jäm m'ijtat.

Wa'nit jä Jesús jyak waany: —Naywe'n jä tunet miits mëëta ëts jä nTee juu jäm tsapjootm, tujk jä nitujk miitsta pen ka' jä mugujk xtoken meekx tujk aa tujk joot.

Jatyumpëna pën tyajktoken paatp yëë pijk'unejkta juu ëts xjaantsyi jawetep, jä oy jäts jä jaye yajktuyojktsumet jä mëj jëtsen tsaa jäts yajknë'ëyuupat jäm maaxy në'ë jootm.

Tsoj miits m'uk mwa'anta. Tu'k jä ya'atyëjk tmëëta tujk mokepx jä byorrego jäts tyoke tujk, jäts ka' wi'n tmajktsojket jä majktepx majktaxtut juu jäm yujk jootm, jäts nëjkx t'ixta jä byorrego juu te tyoke.