Popular Bible Verses from San Mateo 16

Share

Wa'nit jä Jesús tnïmye jä y'ixpëjkpatëjkta: —Pen pën ëts xtsojkp xpayoyet, jaatyoke këxta pen ti jaty mwinmaytep, pakëëta jä mcruz jäts ëts xpayoyta.

Jäts mits ëts nïmyep mits xawe Pedro, yëë tsaa këxm ëts jä ntsaptëjk nyak oyat; ni jää ooken mka' yajkwintokewet.

Mits ëts nmoep jä Kutujken juu jäm tsajpjootm; tukëye pen jaty mits mkuwïïmp yaj naaxkïx, naywe'en jäm tsajpjootm kuwïïn itet, tukëye pen jaty mits mkukejp yaj naaxkïx, naywe'en kukej jä itet jäm tsajpjootm.

Pen pën jä jyuukyën t'ix itp, nëjkx jä ix'ook jä jyuukyen wintoke; jäts pen pën jä jyuukyen wintokep ëts këx, nëjkx jä jyuukyen tpaatempitne.

Ti wyanet jä ya'atyëjk jä it naaxwiin tja tuyoyat, jäts jä jyuukyen tyajkwintoket. O'k winjun jä ya'atyëjk tkujuyet jä jyuukyen.

Jäts miitsta, tso miits mwa'anta jäts pën ëts. —Jää yajktïïwxete. Wa'nit jää Simón Pedro y'atseew: —Wa mits Mesías, jä Kunuukxtee y'unejk juu juuky.

Wa'nit jä Jesús nyë'ëmxe: —xoon mits, Simón, Jonás y'unek, ka' jä jaye këxap mits te xnijawa, ëts jä Ntee juu tsapjootm jää te mwaanxe.