Popular Bible Verses from San Mateo 10

Share

M'ixtap. Ëts miits mpakäxtep we'n ixu'n jä borrego yajkex mëy ujkta akujkm. Jääkëx wij kej mnapyëmetat wen'n ixu'n jä tsaan, jäts nïïjk naaxk mnapyëmetat we'n ixu'n jä pak.

Pen pën t'ix ijtp jä jyuukyen, wintokep jää, pen wintokep jä jyuukyen ëts këx, pyatep jä juukyen juu xëma këxm.

Ka' miits xtsejketat juu yë nijkx kopk tyajk'ookp jäts jä jawen ka' y'ooya tsoj tyajk ooktat; jää miits mtsëjketap ku yë mnijkx mkopk jäts yë mjaawen nyëjkxet jäm akoots ijtem jäm juma jä tsaatsypaaten xëma këxm.

Pen pën tka' tpakëëpy jä cryuz jäts ëts xpayo'oyet, ka' twinmatsye ëts mëët ijtet.

Pen pën xawe napyëëmjep ëts mëët jäja jayeta winkujkta, jää mëët ëts napyëmjetam jäm ëts jä nTee winkujkm jäm tsapjootm; pen pën ëts xkuëëmp jaye winkujk, naywe'n ëts nkuëënetam jäm ëts jä nTee winkujkm jäm tsapwootm.

Jäts xajktso'oktat jä pa'amjayeta, jä ookpa xajkniwijtat, xajkwa'atstat jä jayeta juu pu'tspa'am pëjketep jäts xajkpitsemtat jä ka'opyo. Wenye miits te myajkmoota ye kutujken ka' kyujuya; ka' xyajkjakyujetat juu miits mtuntap.

We'n ka' miits mtsëketat: niyujk nimëjep miits katii yë may joonta.

Ka' miits xjantsy jawetat ku ëts nmets yaja naxkïx jäts jää ëts nyajkmetsp jä oy joot; kä jääp ëts nyajkmetsp jäts nyajk jäjat jä oy joot, jää ëts nimets jäts nyajkjäjat jä atsu'x.