Popular Bible Verses from aRooma 8

Share

Noosuwela weera Muluku onneettiha soothesene wa mpuha wa yaale animusivela, yaale yiitthaniwe niwoko na yeeyo Owo aatthunaawe weera yaareye.

Vano, kooviriyeliwa weera hata okhwa, naari okumi, hata ndyelo, naari munepa woonanara, hata ehuhu ya vaanaano, naari ya muhoolo, hata ikuru sikina, hata orakama, naari wiixera, hata yakhalaru etthu ekina epattuxingwe kheerwa ewera onimwalanyiha ni osivela wa Muluku ori mwa Kristu Yeesu, Apwiyaahu.

Mooteene yoowo Munepa onnikhavihera ohilipawahu, niwoko kanisuwenle nnenesene ovekela, mene Munepeene Yoowo onnanivekelela wa Muluku ni soowiipulela soohiwereya ohimeya.

Nneereke hai sa itthusene seiya? Muluku aari ni hiyo, taani aniittane ni hiyo?

Tivawo, khaniwowo nttaruxo wa yaawo ari mwa Kristu Yeesu.

Muupuwelo wa erutthu yootthekeya onruuha okhwa, mene muupuwelo oneettihiwa ni Munepa onruuha okumi ni murettele.

Mwa itthu sootheene seiyatho, nri anamawina oopwahaxa niwoko na Yoole onisivenle.

Kinoona weera soohaawaxasahu sa vaanaanova khasingwereya olikanxiwa ni ovuwa oneera othupululiwe mwa hiyo.

Taani anaanimwalanyihe wa osivela wa Muluku? Apaale ohaawa, naari sookacamiha, naari ottharatthariwa, naari etala, naari osiwa, naari woopiha, hata ekatana?

Ni Muluku onoona mpaka mpuwa mwa mirima, onsuwela yeeyo Munepa onghaawelaaya, niwoko Munepa onnaavekelela ootteela ntoko Muluku ontthunaawe.

Ootheene yaawo aneettihiwa ni Munepa wa Muluku ari anamwane a Muluku.

Yaawo ankhala munkhaleloni wa erutthu anuupuwela itthu iye erutthu enghaawelaaya, mene yaawo ankhala munkhaleloni wa Munepa, anuupuwela yeeyo Munepa onghaawelaaya.

Yoole ohimuurenle Mwanawe mmoharu, mene omvaherenre Yeesu wa hiyo ootheene, vekhaikhai anaanivahe vamoha ni Yoowo itthu sootheenetho.

Munepeene Yoowo onnakhalela onamoona mwa munepaahu weera nri anamwane a Muluku. Nakhala anamwane, nri vano anamwaakhela a mahala a Muluku vamoha ni Kristu, hiyo nahaawa vekhaikhai vamoha ni Kristu weera nivuwihiwe vamohatho.

Muupuwelo wa erutthu yootthekeya ti mwiittana a Muluku, niwoko khooniiwelela nlamulo na Yoowo, hata khoongwera opaka yeeyo.

Soopattuxiwa sinnaweherera ni ohaawelaxa weera anamwane a Muluku ethupululiwe.

Noosuwela weera soopattuxiwa sootheene sinniipulela mpaka vaanaanova ntoko sireene moovoreiyani wa oyara.