Popular Bible Verses from aRooma 10

Share

Nyuwo mwalapa ni eyanowaanyu weera Yeesu ti Apwiya ni mwaroromela ni murimaanyu weera Muluku aamvenyereriha mookhwaani, nyuwo munoovuluxiwa

niwoko ni murima munroromela weera mwaakhuleliwe ni Muluku, nitho ni eyano munlapa weera mvuluxiwe.

Hiiho, nroromelo ninrwa niwoko na wiiwa mutthenga, ni mutthenga oniiwiwa niwoko na masu a Kristu.

Ntoko Yoolempwa* yeenraaya: “Yoowo onimuroromela, kharwa uulihiwa muru.” Khoohiyanne variyari wa aYuda ni amalapo, niwoko Apwiyeene yaawo ti Apwiya a ooweeli, ni Awo annaareelihaxa ootheene yaawo angwiitthana Yaawo, hapo “ootheene yaawo aniitthana Nsina na Apwiya eniivuluxiwe.”

Ni eniilaleiye hai ehirumihiwe? Ntoko elempwalaaya: “Ti sooreeraxa inaawo sa yaale anlaleiya masu ooreeraxa!”

Vano, eniwiitthane hai Yaale yahaaroromenlaaya? Ni eniyaaroromele hai Yaale awo yahiiwalaaya suulummwaka sa Yaawo? Ni eniyiiwe hai, ahikhanle mutthu onlaleiya?

Moone, Kristu ti ommaleloni wa nlamulo, akwaniheraka waakhuleliwa ni Muluku wa ootheene anroromela.