Popular Bible Verses from Matheyo 6

Share

Mwaasaase toko omwene wa Muluku ni opaka otthunawawe, ni itthu seiyo sootheene mmwivahiwe nyuwo.

Tivawo, muhiixeeteteele ni omaalo, niwoko nihuku na omaalo nnikhaleno sooweeteteelasaya nneenaaya. Khula nihuku nookhalano soonanarasaya soowaatta.

Vano Miyo kinooleelani: muhiixeeteteele ni okumi: eheeni muneeraanyu muce; muwure, naari eheeni muneeraanyu ngwarihe erutthwaanyu. Khoohiyono okumi wootthuneyaxa opwaha yooca, ni erutthu yoopwaha ikuwo?

Nyuwotho mwaavekelaka, murowe munkonaanyumo, mwawale mulako ni mwaavekele Atithinyu ari muxiirini. Vano, Atithinyu ari muxiirini eniyootthuveleni.

Vanonto nyuwo muvekeleke ha: ‘Atithihu ari wiirimu, Nsinananyu ntteelihiwe, omwenaanyu orwe; otthunawanyu opakiwe vathi va, hiiho ntoko wiirimu.

Munivahe yoocaahu ya khula nihuku.

Munilevelele sootthekasahu ntoko nnaalevelelaahu yaawo annitthekela.

Muhinihiye nivolowaka ngweereriwani, mene munivuluxe mwa soonanara.’

Mwaalevelela akina anootthekelani, Atithinyu ari wiirimu eniyoolevelelenitho nyuwo.

Ngwehe ipalame sa wiirimu. Khasinaala, hata khasinghepha, naari khasinthata, wa soothesene, Atiithi ari wiirimu anoociha. Vano, nyuwo khamuhiyono ootthuneyaxa opwaha ipalame?

Muhithukumanye mihakhu sa elapo ya vathi annanarihaayawo atthumpwiha ni murawa, nitho weiwo anamwiiya amvolowaaya ni aniiyaaya. Muthukumanye toko mihakhusanyu wiirimu, weiwo ahinnanarihaayawo atthumpwiha ni murawa, ni weiwo anamwiiya ahimvolowaaya ni ahiniiyaayamo. Vano, sinkhalaayawo mihakhusanyu, murimaanyutho onuukhale weiwo.

Khaawo angwera waarumeela asineene eeli, niwoko mmoha onoomuthanya ni mukina onoomusivela, naari oopacera onoomurumeela ni nthiti, mene anaaveeli onoomuramusa. Nyuwo khamungwera omurumeela Muluku nitho musurukhu.

Muluku awariha hiiha malaxi a ntuphini ari olelo ni omaalo anoovonyeriwa omooroni, Owo kharwa atepaxa woowarihani nyuwo, atthu a nroromelo vakhaani?

Mene nyuwo mwaavahaka yamahala, nihisuwele ntata na moono muthiyana yeeyo nimpakaaya na moono mulopwana, weera yamahalaanyu ekhale muxiirini. Atithinyu anoona yeeyo empakiwa muxiirini, eniyootthuveleni.

Mwiipasoope weera muhipake mitekosanyu sa ororomeleya mwaatthuni weera mooniwe ni atthu. Mwapaka seiyo, khamurwa mwaakhela ntthuvelo wa Atiithi ari wiirimu.

Mwaatthukaka, muhikhale ni ekhalelo yoothanana ntoko anamwiixeera, niwoko awo anooceendya ekhovaaya weera atthu akina ewoone weera aatthuka. Miyo kinooleelani vekhaikhai weera ahaakhelela ntthuvelonaya nootheene. Mwaatthukaka, muttikitthele makhura muruwaanyu ni musuusule, weera atthu ehisuwele weera nyuwo mootthuka, ehikhanle Atithinyu paahi anoona muxiirini. Atithinyu anoona muxiirini eniyootthuveleni.