Popular Bible Verses from aGalata 5

Share

Vaheera yoowiima ya Munepa ti osivela, ohakalala, murettele, opixa murima, waahelela akina, murima wooreera, ororomeleya, wiiyeviha ni wiisuumaaliha. Mwa itthusene seiyo, khaniwowo nlamulo.

Tivawo kineera: Mweetteke mwa Munepa Wootteela, ni vano khamurwa mukwanihera sootthuna sa erutthu.

Hapo ninkhala ni okumi mwa Munepa, neetteketho ni Munepa.

Yaale ari a Kristu Yeesu aathomeya soohaawela ni soowiinlela sa erutthu.

Moone, miteko sa erutthu siri soosuwanyeya: oraruwa, ohitteela, olavilavi, olapela miluku sikina, okhwiri, wiittana, waakhulana, ehace, isara, wiixoona, ohiiwanana, omwalamwala, nrima, ohapaliwa, wiipeliwa ni itthu soolikana. Miyo kingwoopererani, ntoko kaawooperenraakani khalayeene, weera yaawo ampaka itthusene seiyo kheerwa yaakhela omwene wa Muluku.

Axunna, nyuwo mwiitthaneliwe weera mukhale maneethi. Oneetheene yoowo ohikhale nthowa na otthara otthuna wa erutthu. Ohiyanawaya, murumeelaneke mukina ni mukhwaawe moosivelani.

Vano, erutthu entthuna yeeyo eniittana ni Munepa, ni Munepa yeeyo eniittana ni erutthu. Iyo sinnawana, moota wooweera nyuwo muhiwere opaka yeeyo muntthunaanyu.

Malamulo ootheene athukumanyiwe mwa nlamulo nimoha: Munsivele mukhwiinyu ntoko muneenaanyu.

Nihikhale oowiivuwiha, nitannyanaka mukina ni mukhwaawe, naari nihikhalelanaka nrima.

Kristu oonitaphula hiyo weera nikhale vekhaikhai maneethi. Tivawo, mpwaherere oolipeene ni muhiihiye muvolowakatho moolemelani wa okaporo.