Popular Bible Verses from Okhuma 32

Share

Muloko woonaka weera Moisesi annapisa vancipale okhuruwa vamwaako, waathukumana omurukureeraka Aharoni, onamweerela: “Nkarwani, munipakele miluku sineera sinihoolele. Vano Moiseseene yoowo onikhumihale wExipitu – khanisuwenle emukhumelenle.”

Vanonto, Yave aamweerela Moisesi: “Mukhuruweke, niwoko mulokwaanyu, mwa yoowo mukhumihalaanyu wExipitu, woohapuwela ephiro yoolokottha. Woowaakuveya aahiya yeele kaalamulenlaaka ni ahiipakela muluku oowootha mmukhaleloni wa mwaamombe. Awo aamuuramela empakelaka sooveleela, yeeraka: ‘aYixrayeli, iya va milukusanyu sookhumihaleni wExipitu.’”

Oonaka yeeyo, Aharoni aahaateka altaari* ohoolo wa mwaamombe, analaalika: “Omaalo eniikhale efesta wa Yave.” Oxaawaya atthu yaavenya oxeexelo enapaka sooveleela soohisa ni sa murettele. Vahoolowaya yaakilaathi weera ece ni ewure ni yaapacera ococopolana.

Oxaawaya Moisesi aaheerela muloko: “Nyuwosa mootthekaxa, mene kinoowela wa Yave. Apaale kinoowera wiiraanyiha wa yootthekaanyu.”