Popular Bible Verses from Okhuma 2

Share

Vano Muluku aahiiwa wiikhupanyerawaya, anuupuwelela wiiraana aapankaawe ni Abrahamu, Isaki ni Yakobe. Muluku aahaaweha aYixrayeli, anaatthukuruwela.

Vahoolo wa ehuhu yincipale, aahookhwa mwene a wExipitu. aYixrayeli yanniixiinlela ekhuwelaka niwoko na opottha. Ni Muluku aahiiwa okhuwelawaya.

Unnuwakaru mwaana, amayawe yaamurongha wa mwaana muthiyana a Farawu* ni aamwaakhela ntoko mwaniye. Aamutteha Moisesi eeraka: “Niwoko miyo kimuruuhale mmaahini.”

Vahoolowaya mwaana a Farawu* aamweerela muthiyana ole: “Omukuxe mwaana ola ni okaamwihere, ni miyo kinimooliva. Vano muthiyana aamukuxa, anamwaamwiha.

Vano mwaana muthiyana a Farawu* aarowa omoolokoni Nilu weera arape ni arumeiyaawe yaavira mukerekhere mooloko. Mwa yeeyo aahoona mpapara muttheereni, anamuruma murumeiyaawe okuxa.

Nihuku nimoha, Moisesi unnuwaleene, aarowa nipuro yaaraaya atthwaawe ni aahoonelela moota waaviraaya muteko yaavaraaya. Weiwo aamoona ngwExipitu mmoha angwaxulaka muHeberi, mmoha a atthwaawe. Aatthiimaka awehaka mipatta sootheene ni ahimoonaka mutthu, aamwiiva ngwExipitu, anamvitha veehaavani.