Popular Bible Verses from Okhuma 16

Share

aYixrayeli yaaweerela: “Eya! Fataari Yave aaniivenle wExipitu! Wuuwu naakilaathi nrinceene nyaapu sa enama ni naaca yooca naatthunelaahu. Vaheera nyuwo muniruuhenle munikarenimu weera nakupa ootheene ola akhwe etala.” Wa soothesene, Yave aamweerela Moisesi: “Miyo kinoowiitthelelasani sooca sa wiirimu. Khula nihuku muloko onoovenyera ottottaka yookwana oca wa nihukuni. Mwa yeeyo kinoowoota murima weera kiwoone yaattharaka hoye hoye yaahittharaka ikanosaka.

Munikareni muloko wootheene wa aYixrayeli waamuttaandawula Moisesi ni Aharoni.

Moisesi aaweerelatho: “Yave onimoovahasani enama yookhuura waaxekuwaka, ni sooca muntthunelaanyu oxeexelo, niwoko ohiiwa omuttaandawulawanyu. Hiyo taani? Khamunnikhupanya hiyo, mene Yave.”

“Kohiiwa ottaandawula wa aYixrayeli. Mwaaleele: ‘Wiilaka munookhuura enama; waaxaaka munoovonasa yooca. Hiiho munoosuwelasa weera Miyo ti Yave Mulukwaanyu.’”