Popular Bible Verses from 2 aKorinto 4

Share

Hiiho ningwehexexa, ohiya yeeyo enooneya, mene mwa yeeyo ehinooneya, niwoko yeeyo enooneya ti yoovira, ehinooneyatho yoohimala.

Tivawo khanimporora. Naamwi omokoniwahu otepaka onanariheya, mpuwamwahu ninnakhalihiwa onyowani khula nihuku. Ohaawawahu wooveruwa ni woovireya onniruwerela hiyo ovuwa woottittimiheyaxa woopwaha wootheene iwo.

Ninnahooxiwa mwa soothesene, mene khaninswanyiwa, ninnattikinyiwa, mene khanimporora. Nri oottharatthariwa, mene khanihiiwe, ninnamaniwa, mene khanimphwatiwa.

Nookhalanotho muhakhu owo nnyaapuni sa oloko, weera woonihere weera ikuru soopwahaxa sinrweela wa Muluku, khasihiyono wa hiyo.

Muluku a ehuhu ela ohuumiha sowiiwexexa sa atthu oohiroromela, weera ehoone waara wa masu ooreeraxa a ovuwa wa Kristu, mwa Yoowo ori mukhalelo wa Muluku.

Muluku eenre “Mpiphini waare omwaleela,” Owo muneenaawe ohaara mmurimanimwahu weera onimwaleele waara wa osuwela wa ovuwa wa Muluku, onaara mukhoveni mwa Kristu.