Popular Bible Verses from Arumi 12

Share

Mutakhuvëywe na urëmi uruu ëgweeso mufëntuwe gwa ufya wa ihaa ranyu. Uvii nyenye mudahe uraghëëra tutë ntuni në mafenji a Muungu, ntuni në njija nanë auyanjisya nanë ëkhondekekie.

Gwa uvii, arunaane, nene ngumunena nyenye, gwa gëhe ga Muungu, vëki mëërë anyu, mwino ikumbëko nëifanga, ryëru na raunjisya kunë Muungu, unë ikuryo ra nkhoo.

Gwa ndolyo, muyanje, mu makhasëko, mugiindëëra, mu marombi, muhinëntëe.

Utahumwe na uvë, ëgweeso uwuhume uvë gwa uja.

Iyanji mu muntu na muyakwe gwa uyanjo wa gënyandughu; ikerii mu muntu na muyakwe mung'ë a uraghëëra ikuryo.

Uyanjo utatendeke una lakuno. Rëhuri rasëë në ivë, samwikwatëëre na rasëë në ija.

Nësa ëgudahëka, gwa uvaru wanyu, mwikhee mu majeghana na antu voong'e.

Ayanjwi, mutairëfisye ubë, ëgweeso ineghi na ukharë wa Muungu, gusoko yiandekiwe, “Urefisye unë nene, nene ngurëfisya,” uguhanya Müküü.

Kamwe mutaleghekee, mung'ë a gikunkunyaya, mubankare itambëëmwe na Mwahu, mutumëkëi Müküü.

Gusoko gwa mboto në nene nafewe nene ngumunena mu muntu mukhatë anyu atagighemee mughonjo ukëanëya ukëra mwino unoneye gighema. Ëgweeso ighemi itambëëmwe na uramwui në wë moomo, mu muntu gwa uhonga na ngeero a uhuvëi unë Muungu wamufee mweeso.

Mutamurëfee muntu uvë gwa ubë. Raraavi në maja u miho a antu voong'e.

Mwiyanjëëye masëgho anyu nyenye gwa nyenye. Mutasëghee në makuu nanguu, ëgweeso muyanje uhweetiwa na mantu në malegheku. Mutatendee antu va gëdida gusoko a mahaa anyu.

Ëgweeso, murughu wako nësa wina njaa, mulësye, nësa wina nyweta, munywesye gusoko nëwatenda uvii, ugumutenda mweeso one mënyaa.

Vaforii nëvëumuhurisyaa, forii, taja mujumane. Yanji itambëëmwe na avoo nëvanjëte, rëi itambëëmwe na avoo nëvëurëa.

Vafi aruna woyanyu mantu nëvëuyafenja nëvëtiyakweti, tendi samwina gëhe, gwa ughenyifa aghenyi, samwikunkunyaye.

Gusoko mwino chu mu mwëërë rumwe gwina nongo nyingë, na nongo yoong'e itiutendaa mwëmo rumwedu. Vii uvii na nësese në gwëë vingë gwë mwëërë rumwedu mukhatë amwa Kiristo, na nongo, muu nongo gwa muuyakwe.