Popular Bible Verses from Matyu 18

Share

Egh gumazir pumuning, o pumuning ko mɨkezim nan ziamɨn uari akuvagh ikɨtɨ, kɨ uabɨ men tongɨn ikiam.”

“Egha kɨ ua ia mɨgei, gua taning kagh nguazimɨn bizitam bagh nɨghnɨzir vamɨra ikia a iniasa a bagha God ko mɨgei, nan Afeziar uan Nguibamɨn itim a isɨ gua danɨngam.

Ezɨ Iesus borir mamɨn dia, ezɨ a izima a men tongɨn anesara. Egha a kamaghɨn me mɨgei, “Kɨ guizbangɨra ia mɨgei, ia uari giragh borir dozir kabar mɨn otoghan kogh, ia God Bizibagh Ativamin Dughiamɨn aven ikian kogham.

Gumazir uabɨ dɨkabɨragha, borir dozir kamɨn mɨn itim, gumazir kam God Bizibagh Ativamin Dughiamɨn ziar ekiam ikiam.

Egh gumazitam o amizitam na gɨnɨghnɨgh egh borir dozir kamagh garitam inigh an akuragham, kamaghɨn a na inigha nan akurvasi.”

“Kɨ guizbangɨra ia mɨgei, bizir manam ia nguazimɨn a ikeghtɨ, God uan Nguibamɨn uaghan a ikegham. Egh ia nguazimɨn bizir manam fɨrightɨ, God uan Nguibamɨn uaghan a fɨrigham.

“Eghtɨ ia uan aveghbuabar arazir kurar me ia gamiba, ia guizbangɨra uan navir averiabar aven, da gɨn amangan koghtɨma, nan Afeziar uan Nguibamɨn itim uaghan kamaghɨra ia damuam.”

Ezɨ Iesus ua kamaghɨn mɨgei, “Tina nɨghnɨzir gavgavim nan itir borir katam damightɨ an arazir kuratam damightɨ, a helɨn mangɨva, ivezir bar kuram iniam. Kamaghɨn dera, me dagɨar ekiam an fɨrim dafaghɨva ongarir konim mɨkɨnightɨ an aremegham.

Ezɨ Iesus ua kamaghɨn mɨgei, “Ia manmaghɨn nɨghnɨsi? Gumazitam 100pla sipsipba ikɨtɨ tam oveghtɨma, a ti manmaghɨn damuam? A ti a burian kogham, o? Puvatɨ. A 99pla ateghtɨ da puram azenan ikɨ damɨtɨ, eghtɨ a mangɨ ovengezim buri mangɨ, an apighvɨra gɨvagham.