Popular Bible Verses from Psalm 37

Share

Suk engan lom in LEUM GOD, Ac El ac fah asot ma lungse lun insiom.

Eiskomyang sifacna nu sin LEUM GOD; Lulalfongel, ac El ac fah kasrekom.

Kom in mongfisrasr ac tupan ma LEUM GOD El fah oru; Nikmet elya kaclos su kapkapak, Ku elos su eis woiyen pwapa kutasrik lalos.

Lulalfongi in LEUM GOD ac oru ma wo; Tuh kom fah ku in moul ac misla fin facl se inge.

LEUM GOD El kol mwet uh ke inkanek fal elos in fahsr kac, Ac El karinganulos su akinsewowoyal. Elos fin ikori, elos ac fah tia mutana ten, Mweyen LEUM GOD El ac tulokunulosyak.

El ac fah oru suwoswos lom in arulana kalem, Oana kalmen faht ke infulwen len.

Nik kom eiskomyang in fosrnga ku kasrkusrak; Ma inge mwe kolla nu ke ongoiya.

Nga matuoh inge; nga moul paht na, Tusruktu nga soenna liye sie mwet wo in pilesreyuk sin LEUM GOD, Ku tulik natul in ngusr mwe mongo.

Nikmet elya ke ma mwet koluk elos oru; Ac nik kom sok selos su oru ma sufal.